Khyrngiat ka HYC wa ku dor ka Scheme umkor ka New Shillong Township da Rs. 450 klur

Ka Hynñiewtrep Youths’ Council (HYC) da beiñ joor ko yei ku dor i bai pynkreh ya ka New Shillong Township (NST) Water Supply Project na ka Rs. 321 klur cha ka Rs. 770 klur hapoh ka sorkar MDA.

Ka seiñ da ong ko wa ini i pynku da kynjoh i cha ka Rs. 450 klur iwa pynyoo yei pynemkaam bakla ya ka poisa, i wym em u pynwandur (Plan) chwa wei i duna i krehlang hapyrdi ki chnat sorkar.

Da ong ko wa ya ka Project wa sdang na u 2014 hei dor wa Rs. 321 klur iwa da ku cha ka Rs. 770 klur wei ini toh iwa ka sorkar da kubur ko wa ympoi pyrkhat wei pynyoo yei tlot ka sorkar hei pyemkaam ya ka poisa paidbah.

Ka HYC da kylli ko leh, yi wow bahkhlieh yei ku dor i kreh? Weileh wym puræ bniah chwa wow sdang yei kreh? Weileh u bahkhlieh ki paidbah yeiwa bakla pyn na ka sorkar hi?

Related posts

Yap 7 ngut ha Bihar hadien wa chah ban nei khynñia hawa lai cha Mandir

August 17, 2026

Hadien wa jan dap ar bnai pyndam ka NTA ya ki le tylli ki Subject ka UGC-NET Exam

August 17, 2026

Da ong ko wa heipor wa ki paidbah ka jylla chah ktah ki nei wym yoh kreh, i sih ki sarok, i duna um, i tlot ki thaw sumaar, ini man i i pynemkaam bakla ya ka poisa paidbah.

Chooh chooh da ong  wa ka poisa toh ka yong ki paidbah ymtoh samen yong ka sorkar næ ki Contractor wei ini i tlot næ bakla pynemkaam ya ka poisa ktah i ya ki paidbah ka Meghalaya.