Ka Pnar Student Movement (PSM) da kyntu ko ya u President ka VPP, u Ardent M Basaiawmoit wym hoi u mylliñ u pynmih ya ki Jaiñtia neibynta ka Reservation Policy.
Ka seiñ da ong ko wa hawa yoo yei yaklam heiyatoh wa ka Reservation Policy hapoh ka yung dorbar, neiliang u President ka VPP da pynmih u yei pyrtuid Khasi dohni neibynta ka Reservation Policy wei kani man ko kawa da pyndooh mynsien ya ki bru Jaiñtia.
Da ong leh wa ha Meghalaya hi da em 3 tylli ki Autonomous District Council, kitæ toh ka Khasi, Jaiñtia wa Garo wei hawa yaklam heiyatoh wa ka Reservation Policy i pyrtuid ki Jaiñtia toh u mih i neibhah nadooh wa yoh ya ka jylla Meghalaya, i ki Jaiñtia da em hi i jar jiar ka Autonomous District Council.
Hawa yoo won ka seiñ wa ki bru wa mih na ka Khasi Tribe yaleh chitom ki neibynta u yaklam neibynta ka Reservation Policy tangwa neiliang kiwa mihkhmat yong i na Jaiñtia wym em uwi leh uwa yieñ wow yaklam heiyatoh wa ka Reservation Policy wei manda sñiaw wym em mih i pyrtuid ka Jaiñtia dang heitæ khyrngiat yong bru.
Katda kamtæ ka seiñ PSM da kyntu ko leh ya u Deputy CM, u Sniawbhalang Dhar kamjooh deilang ki Minister wa ki MLA kiwa mihkhmat na ka ri-loom Jaiñtia wow sñiawbha ki u mih chakhmat heiyatoh wow yaklam neibynta ka Reservation Policy neibhah kani man ko kam chibynta kawi i myntoi ya i ki bru ka ri-loom Jaiñtia waroh kawi.
Ka kyrwoh na u Publicity Secretary ka seiñ, u S. Lakiang.
Discussion about this post