15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Khyrrup ki BSF boon tylli ki masi wa thmu chalan tooh cha Bangladesh chwa ka Eid-ul-Adha

0 Comments

Shillong: I yoh khyrrup ki chipai BSF ya ki masi ha ki thaw khappood na ka por cha ki por pynyoo i wa i khayi tooh ya ki masi na ka jylla Meghalaya cha Bangladesh da ku i kat dang lai ki snem.

I pteiñ i kem ki BSF ya ki masi wa thmu wow chalan tooh da pynlanga i ya kiwa khayi tooh ya ki masi (Cattle Smugglers) da pynman ko ya kiwa khayi wow man ki kiwa chlur wow yoh u chalan ya ki masi cha Bangladesh.

Advertisement ad1

Ynnin ka 15 tarik ki chipai BSF wa em ha chnong Tuka, East Khasi Hills District da yoh yutip ki wa thmu wow chalan ya ki masi cha Bangladesh, wei da hiar ki cha kani ka thaw tangwa ki bru da yut wot ki mar yoo ya ki BSF heiwa han la kattæ leh da yoh ki hadooh 28 tylli ki masi wa thmu wow chalan tooh cha Bangladesh, kiwa chong dor kamwa T. 5.8 lak.

Ha kani ka jooh ka sngi da yoh yutip wa em wa thmu wow leh yei jooh i kaam ha thaaiñ Muktapur, West Jaiñtia Hills, Lyngkhat, East Khasi Hills wa ha Patharghat, East Khasi Hills District, wei ha ini i thmu ki BSF da yoh biang wow pyndam yeini i thmu kiwa khayi tooh heiwa da yoh 41 tylli ki masi wa chnong dor kamwa T. 7.2 lak.

Hanlada ki chipai BSF da pynjoor ki yei sonteri ha khappood neidaw wa ku i dawa ya ki masi ha Bangladesh chwa ka lehniam`Eid-ul-Adha’ ka wow man ha ka 21 tarik uni u bnai wei da chem leh man ko kawa heh iwa pynman ya ki wow man ki kiwa chlur.

Previous
Next

0 Comments

Leave a Reply