Khyrwait ka Liang Pyrchah ya ka EC ka VPP wa wanrah ya ka mang tangka khlem da bood kyndon

Ka Liang Pyrchah ha Khasi Hills Autonomous District Council (KHADC) da khyrwait ko deiwa eh ya ka Executive Committee yong ka Voice of the People Party (VPP) neibhah wa da wanrah ya ka mang tangka wa pura khlem da bood aiñ.

Ini i chah khyrwit ka VPP hapoh yung dorbar toh hawa pynyoo yei wanrah ya ka Supplementary Expenditure wa Rs. 1.88 klur, hadien wa ka High Court da pynsangeh ko ya ka hukum pynhiar kaam ya kamwa 30 ngut kiwa kreh kiwa dadep thung kreh pura.

U Executive Member wa pait ya ka muna tangka, u Seiborlang Warbah da pynksan u yei wanrah ya ka Supplementary Expenditure kawa man deiwa bood kamwa da leh ha ki snem wa dadep wa da wanrah ya ka Supplementary Demand, wei da pteiñ u wow pynksan wa ka kaam wa yatoh wa ki 30 ngut kiwa kreh dang em ko hapoh i chah bichaar, wot hadien wa da pynche da uwa yahkhmat ka Liang Pyrchah, u Titosstarwell Chyne wa ya ka Supplementary Demand næ i emkaam poisa chooh chooh toh u wanrah hadien wa da mynjur chwa ya ka mang tangka wa pura.

Hachwa wow wanrah ya ka mang tangka, uwa yahkhmat ka Liang Pyrchah, u Titosstarwell Chyne da pyrchah u yei wanrah ya ka Supplementary Expenditure kawa man Rs. 1.88 klur, da ka EC ha ka mang tangka, deiwa ong wym em Rule wow booh yei lut deiwa pynyang chwa ha ka mang tangka wa pura.

Related posts

Da khut ya ki chynrang wa kynthai wow chimbynta ha ka Run Against Drug Abuse and Illicit Trafficking

June 24, 2025

Mih ki MDC ka Liang Pyrchah napoh dorbar deiwa pynbaad wa wanrah ya ka mang tangka pyrchah aiñ

June 24, 2025

Neiliang yong ka Liang Pyrchah wa kynthup ya ki MDC ka UDP, NPP, HSPDP wa u MDC wa dei thung, da dawa ki na u Lamphang ka yung wa toh u pynsangeh chwa ya ka dorbar wei wow e laad ya ka EC wow pynbait yeini wa da leh khlem aiñ.

U Titos wa ka Grace Kharpuri da pynbaad ki wa ini i leh yong ka EC ka VPP da dai sarom ko ya Council hakhmat ka pyrthai wei wow ong wa ki MDC wa em ha ka EC ye ki wow yahbakla ya ki paidbah tangwa ym ye ki wow yahbakla ya ka yung dorbar.

U MDC na Sohra da ong u leh wa ka mang tangka ym emyatoh ko iyi iyi wa i dang chah bichaar ha ka High Court yei kaam wa yatoh wa ki 30 ngut kiwa kreh wei da pynrap leh wa lada ka EC sñiaw ko wa ki Supplementary Demand wa da jooh wanrah ha ki snem wa dadep man ki pyrchah ya ka aiñ, ka EC yong ka VPP ye ko wow lai yakhun hapoh ka yung bichaar.

U Titos da ong u wym jooh em ha Assembly næ ha Council wow wanrah ya kam kani ka mang tangka, wei da kylli u leh wa katkam ka Rule hapoh kiwon ki kyndon wa ka EC da wanrah ko ya kani ka mang tangka, neibhah katkam ka Rule 111 ym ye wow booh ya ka Supplementary Expenditure ha ka mang tangka wa pura.

Neidaw ini i dawa yong ka Liang Pyrchah wow phah pynbait biang ya kani ka mang tangka, neiliang u Chairman, u Strong Kharjana da pynsangeh noh chwa u ya ka dorbar na ka 12:24 cha ka 2:00 waje.