Hadien wa mih khubor yei dawa u James Syiemiong wow booh ya ka ‘Raja Memorial Viewpoint’ hajan i thaw wa chah pynyap u Raja Raghuvanshi heiwa u James ha ka chithi wa da phah cha u Montri Rangbah ka jylla, da kam u wa man u kam u heh ka BJP.
Neiliang uwa e ktien ka BJP Meghalaya, u Mariahom Kharkrang da ong u wa ha ka synchaar paidbah waroh em ki ka hok wow pynsñiaw yeiwa kwah ki tangwa ymtoh won wow ong wa ini man ko leh i sñiaw deilang yong kiwi.
Kamtæ ka BJP Meghalaya da pynche ko wa iwa ong u James Siyemiong toh i yong oo samen wei i wym em yatoh i wa ka Party, wei i booh ya katæ ka Raja Memorial Viewpoint leh ym jooh em yaklam ka hapoh ka Party ha kawon kawon ka kyrdan.
Da ong leh wa hanla ha ka chithi u James da em ka chap ka BJP tangwa ini ym em mut ko wa kani toh ka kot ka sla wa mih na ka Party.
Ka BJP Meghalaya da ong ko leh wa lada phah kot phah chithi ko toh deiwa leh da ki laad wa jooh leh katkam ki rukom kreh ka Party wei du da ki bru wa da e bor wow leh yeini da ki heh dooh ka Party.
Da pynkut deiwa ong wa u e pyrtuid ya ka Viewpoint ymtoh ka thong krehkaam ka BJP kawa kreh neibynta wow em i synchaar khadar wa khooid.
Discussion about this post