U waheh chnong ka Mawlai Mawdatbaki uwa man leh uwi na ki waheh chnong wa da rim tam hapoh Mawlai, u BR Kharmujai da khyrwait u deiwa eh ya ki bru kiwa da maham wow taan cha ka kasari ya ki dorbar chnong hajrong ka rai yong ki wow pynman ya ka yalang pynyoo nia ha ka jooh ka rynsan (Common Platform) ya waroh ki kyrtong MDC kiwa da mih wow e reiñ na Mawlai Constituency.
Katkam ka rai wa da chim ha ka yalang wa da emlang waroh 6 ngut ki kyrtong ha ka 22 tarik wa pynman da ka Mawlai Town Dorbar, da rai lang wow pynman bait du da ka Common Platform deiwa pyrkhat yei bha i biang ki paidbah khamtam wym chah ktah kiwa dang pynkhreh yaleh Exam waphær waphær.
Neidaw kani ka rai, ka Mawlai Town Dorbar da chah maham wei chah kynthah ko ha u President ka VPP ha ka yalang ha Mowkaiaw, wei ki dkhot ka VPP da khyrwait ki leh yeini wa rai ka MTD ha ki rynsan Social Media. Katkam i khana uwa yahkhmat ka MTD, u kyrtong ka VPP da emlang u wei mynjur lang u ya kani ka rai, tangwa hadien wa mih na ka yalang da kylla ktien noh u.
Hawa e yei klam, u BR Kharmukai da khyrwit u deiwa eh deiwa ong kammon da mynjur kulmar hapoh ka yalang manda liwan cha yung tæ chah kynroi ha ka kurim wa toh u biej. Da ong chooh chooh u wa hawa ympu em i bor, bha wow dam u yaklam. Da ong u leh wow ksan rympei wei rem dorbar wei wow ngooid yei prai man ko kawa dooh burom.
Discussion about this post