Hadien wa mih ka khubor ynne ka sngi wa em hadooh 6 ngut kiwa yoh ya u khñiang COVID-19 hapoh West Jaiñtia Hills, da wanrah i yei tieñ wei syir mynsien ya kiwa boon ki paidbah hapoh ka District.
Katkam ka yutip wa da yoh da ong wa kini ki 6 ngut na West Jaiñtia Hills toh kiwa wan na baar jylla wei da em chwa ki thaw khang kset namo ki Quarantine Centre kiwa hapoh ka District.
Chooh chooh ka yutip wa tikna wa da yoh da ong leh wa kini ki bru toh kiwa wan na kiwi ki sor wa ki jylla kam na Bengaluru wei katni em ki hapyrdi i chah sumaar ha Corona Care Centre wa em ha Ummulong.
Du ynne ka sngi kiwa da chait hapoh ka jylla da em ki 75 ngut wei napoh West Jaiñtia da em 1 wa da chait katwa kiwa dang em ya uni u khñiang da em ki 8 ngut.
Neiliang u Wyrta daw wanrah chooh chooh i cha phi ya ka yutip wa bniah heiyatoh wa kani ka kaam.
