Ka PM Street Vendor’s Atma Nirbhar Nidhi (PM Svanidhi Scheme) toh ka Scheme ka sorkar pyrdi wow yarap ya kiwa chongdai cha rood sarok yow yarap ya ki wow chim ram ki yow pteiñ yei khih i khan ki.
Lyngba kani ka Scheme ye ki wow chim ram hadooh Rs. 10,000 ha ka sut wa duna yow pynchlur yei su tista kamjooh yow yarap ya kitu kiwa bien u pynemkaam yei su lyngba ka Digital Transaction.
Hapoh kani ka Scheme da em ko le bynta nadooh ka ram wa Rs. 10,000 kam ka ram wa chim nyngkong wei hadien wa ye u su heipor wa biang ya kani, daw ye wow chim sa ka ram wa ar kawa Rs. 20,000 wei hadien wa su ya kani ye wow chim sa ka ram wa le kawa Rs. 50,000.
Ya kani ka Scheme ye wow yaleh na ka Jowai Municipal Board deiwa wanrah ya ka EPIC Card, PAN Card, Aadhaar Card, 2 tylli ki dur Passport Size wei ya ka Xerox Copy ka sla wa nyngkong ka Passbook wa em i pyrtuid.
Sa kawi ka Scheme toh kawa tip kam ka Self-Employment Programme (SEP) kawa em hapoh ka DAY NULM wei kani toh wow yarap poisa ya kiwa sah ha sor kiwa man kam kiwa dooh wa duk yow ye ki u sdang khih wei kamjooh ya kitu kiwa da em khih chwa.
Hapoh kani ka SEP daw e yarap poisa hei dur ka ram heiwa ka sut kawa da pynduna man ko 7% chi snem. Ya kani ka ram ye wow su 5 hadooh 7 snem wei kiwa yaleh toh u man ki kiwa da em 18 snem chaneiñ.
Ki khih wa ye u sdang toh u man ki kiwa emkaam poisa hadooh Rs. 2,00,000.
Yow tip bniah chaphang kani ye wow Phone ha ini i Number-7005231239.
Discussion about this post