Ka Dorbar Ki Waheh Kur Ri Jaiñtia, kawa da thrang wa ki kur ki jait kiwa em ha ri Jaiñtia wa toh u tipmit da ka aiñ 6th Schedule na ka JHADC kamwa da e bor da ka riti krehkaam ka ri India. Da kyntu ko ya waroh ki kur kiwa him ya ka kur ka jait yong ka bei ha ri Jaiñtia, ki wym pudep u pynpsiah ya ki kur ki yong ki katkam wa da khut da ka Secretary ka Executive Committee ka JHADC, yow pynsmat noh u lai pynpsiah ya ki kur ki yong phi katwa dang chah i por wei deiwa leh kamtæ yow yoh noh ka Executive Committee hapoh i yahkhmat u Thombor Shiwat kam u CEM JHADC u chna aiñ ki ya ki kur ki jait, kiwa kitkaam Dorbar, ki Seiñ Kur hapoh u pood ka JHADC.
Heiyatoh wa ini i thmu ka JHADC u tipmit ya ki kur, ka Dorbar Ki Waheh Kur Ri Jaiñtia khut ko ya waroh ki President/Chairman, ki General Secretary, kiwa kitkaam yong ki Dorbar, ki Seiñ Kur wa kiwi wow ya wan ya chimbynta ha ka Executive Dorbar kawa daw man ha ka 02-11-24 heipor 11:00 waje i step ha yungwalieh ka Chilliangraij Jowai.
Ha kani ka Executive Dorbar daw yaklam bniah bha heiyatoh wa kani ka phang, kawa man ka kaam yap kaam im ka jaitbru yong i kawa him ya ka kur ka jait yong ka bei ha kini ki loom ki wah.
Discussion about this post