Shillong: Heiyatoh wa i yakhun ya ka khlam u COVID-19, ka sorkar jylla da man ko kawa da pynkhreh wei ini man i katkam wa pyntip u montri rangbah ka jylla wa u symbood montri rangbah; u Conrad Sangma wa u Prestone Tynsong ynne ka sngi.
Da pyntip ki wa ki sula yada namo ki PPE da em 64,458 tylli, ki 3 Ply Mask da em 5,10,000 tylli ki N95 Masks won 84,690 tylli.
Da pyntip ki wa waroh ki bru wa yajan wa kiwa chah ktah namo ki Primary Contacts kiwa chong kset ha yung (Home Quarantine) da lai sylli ya ki da ki Doctor ha ki yung wa em ki.
Da chna leh ya ki 48 tylli ki dhab (Team) da ka yung krehkaam ka Deputy Commissioners Office ha East Khasi Hills wow lai sylli man ki thlu yung yong kiwi tawon kiwa yajan pateiñ (Secondary Contact).
Heiyatoh wa ki bru samen wa haap chong kset ha yung da kyntu ya ki wow neh ki samen (Isolateion) ki sa 14 sngi wei wow pyntip lada em dak (Symptoms) ki.
Da sdang chna ya ki Village Health Team ha waroh ki chnong wa kynthup ya 4 hadooh 5 ngut ki dkhot heiwa daw em ki Waheh Chnong, ki ASHA, AWW, ANM wa kiwa sikai skur.
Da kyntu leh ya ki paidbah wow bood ki ya ki kyndon sorkar wa da pynmih neipor cheipor.
Discussion about this post