Ki dhab wa da psiah cha ka Quarter Final ka 2nd Division ka WJDSA

Jowai: Ha ka yakhun 2nd Division ynne yong ka WJDSA ka Mukhla Raij da jop ko ya ka Khliehiongriang da 4-1. Ya ki kool ka Mukhla da thap da u Deisuklangmi Lyngdoh ha ki minit wa 6 wa 80, u Hame Suna ha ka minit wa 52 wa na u Revise Bang ha ka minit wa 70 katwa ka kool ka Khliehiongriang da thap da u Pynyomiki Rymbai ha ka minit wa 18.

Ki dhab wow psiah cha ka Quarter naka Pool-A toh ka Khliehmyntang Ialong kawa yoh 7 point wa ka Mukhla Raij kawa yoh 6 point.

Haka Pool-B won da psiah ka West Madan Mustem kawa yoh 9 point wa ka Lumpyrdi Mihmyntdu kawa yoh 4 point.

Haka Pool-C ka Lumiongkjam kawa yoh 7 point wa ka Lion kawa yoh 7 point. Naka Pool-D won da psiah ka Lumpyrtuh Mihmyntdu kawa yoh 6 point wa ka Moosalyngkat kawa yoh 6 point.

Related posts

Daw pynman ka Assam Warriors Sports Academy ya ka Football Selection Trial ha East Jaiñtia Hills

December 18, 2025

Psiah Final ka Dkhiah West wa ka Byndihati ha ka Women’s League ka EJHDFA

December 17, 2025

Ya ki Quarter Final u yaleh ha ka 4,5,6, wa 7 tarik u Naichiphaw heipor 12:30 i sngi.

Ki dhab won kiwa hiar cha ka 3rd Division toh ka Lumchyrmang Mihmyntdu kawa yoh 0 point wa ka East Mustem 0 point.

Haka yakhun 1st Division won ka Lutituber Ialong da jop ko ya ka Shangpung Moosyiem da 3-1. Ya ki kool ka Lutituber da thap da u Ebormi Lhuid haki minit wa 25 wa 48 wa na u Mihsalan Lhuid haka minit wa 78. Ya ka kool won ka Moosyiem da thap da u Pilous Myrchiang haka minit wa 80+2.