Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha ka Top Floor i yung (Building) u T. Passah, Suna Villa, N D Lane, Laban, haka Fourth wa Fifth Floor i yung (Building) ka S. L. Ryntathiang, hajan Unitarian Church, Madan Laban (Rum), ha i Flat u Biswajit Das (uwa chong wai) ha Top Floor ka Narayan Bhavan, Riat Laban, ha ki yung ka Vishal Singh Mawrie wa u Ajay Singh wa em ha Sweepers Lane, Mawlonghat wa ha Ruma Adhikari Guest House ha Lower Jail Road.
Yow ye u leh yei booddien ya kiwa em hei maa, ki Test, ki Quarantine wei wow khangkset, ka District Magistrate, East Khasi Hills District da pynmih hukum ko haka 14 tarik uni u bnai yow pynbna Micro Containment Area ya kini ki yung haneiñ yow khang yei psiah i mih khlem da yoh bor.
Ha kiwi won ki hukum, hadien wa da dep wow leh yeiwa emkaam wei da yoh leh yaki Report, ka District Magistrate, East Khasi Hills District da pynmih hukum ko haka 14 tarik uni u bnai yow pyndam yei pynman Containment Area chisyndon ya ki 35 tylli ki manyung kiwa nadooh i thaw sah u Jagdish Ray hadooh i yong u Ravinder Ray ha Pdengshnong, Golflink, ki manyung u K.B. Thapa, Rilbong Nepali Compound, ki manyung wa em ha Quarter ka Dr. Anjali D. Sangma, Rilbong, GAD Quarter No. 2, hajan Sankardev Women’s Hostel, ki yung wai ka Mei Ying Nongkhlaw ha Madanrting Lumbasuk Block-A wa ki manyung kiwa chong wai ka Ridalang Pyrbot, kiwa chong wai ka Virginia Dkhar wa ki yong u Jarnar Khongsti ha Lumjingsuk, Madanrting Block-A kamjooh ki yong ka Pinora Khongwir ha Madanrting Block- C, wa ya ki Apartment ka Jharna Paul kawa chong wai u Chinmoy Paul, hajan Sankardev Women’s Hostel, Rilbong.