Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang wei da emkaam leh wow booddien ya kiwa em hei maa, u leh yaki Test wei wow khangkset yow yada nei poor uni u khñiang.
Ka District Magistrate, East Khasi Hills District da pynmih hukum ko haka 2 tarik uni u bnai yow pynbna Micro Contianment Area ya i yung u Bernadino Mawkhiew ha Chinapatty, Malki, i First & Second Floor i yung ka Rilianda Kamar ha Riatsamthiah, i yung Dr. Syrpailang Kharlukhi ha Dhanketi, Malki, i yung (Flat) u K Dev (uwa chong wai) ha Top Floor ka “ROSMON” Building ha Laban Last Stop, i yung u Raju Das (uwa chong wai) ha i thaw ka S. Shangpliang ha Laban Last Stop, i Apartment No. 8 u Bindu Kumari, E. Shylla Building, wa em pyrchah ya i Dew Drop Guest House ha Rilbong yow khang yei psiah i mih khlem da yoh bor cha kini ki thaw.
Ha kawi won ka hukum, hadien wa da dep wow leh yeiwa emkaam wei da yoh leh yaki Report, ka District Magistrate, East Khasi Hills District da pynmih hukum ko haka 2 tarik uni u bnai yow pyndam u pynman Containment Area ya i yung (Flat) Dr. R Gurung, Pala Building, Madan Laban (Shiliang), i yung u Kynrem Ri Lyngdoh, Riatsamthiah, i yung u Om Prakash, Rapsang Building, Keating Road wa i First Floor i yung ka A Kharbuli, ABP Road, Laban chi syndon.
