Shillong: Neidaw wa em kiwa yoh COVID-19 kamjooh wa da em kiwa em hei maa wow yoh ya uni u khñiang wei yow ye u leh yei booddien ya ki, u leh ya ki Test wei wow khangkset yow yada ya ki paidbah nei poor uni u khñiang.
Ka District Magistrate, East Khasi Hills District haka hukum wa pynmih haka 15 tarik uni u bnai, da pynbna ko yaka Ground Floor i yung Apartment u Grikra Marak iwa em ha i yung (Building) ka Beautimon Khongsni, Bishnupur Central kam i Micro-Containment Area yow khang yei psiah i mih wa khlem yoh bor cha ini i thaw.
Ha kawi won ka hukum, hadien wa da dep wow leh yeiwa emkaam wei da yoh ya ki Report, ka District Magistrate, East Khasi Hills District da pynmih hukum ko haka 15 tarik uni u bnai yow pyndam chisyndon yaka hukum pynman Containment Area ya kini ha wah:
- I chnong Shiliang Jashar wa em ha Pynursla C&RD Block.
- I yung Apartment u Dipankar Paul wa em ha i yung (Building) u L. Khongshei, hajan Dew Drop Guest House, Rilbong.
- I yung ka Siantimon Diengdoh ha Lawjynriew Lumkut.
- I yung u Albert Marbaniang ha Khliehshnong, Malki.
- I yung ka Besi Sol Chalai wa em ha Ashiyana Guest House ha Bishnupur Inverniel.
- I Quarter u Sengrak Ch. Momin , GAD Quarter No.5, wa em hajan Sankerdev Women’s Hostel, Rilbong.