Jowai : Ka wi ka Maruti Van wa em ya u number ML04 A 0235 ka wa wan cha liang Jowai na Mukhla da noh ko cha riat ha jan ka wah Myntdu hadien wa skit syndet ka kari heipor wa yah.
Ini da jia i ynnin ka 7 tarik heipor 6:30 i janmiet wei da em 2 ngut ki bru hapoh kani ka kari. Ya uwa yah da tip kam u Gavinson Sunar, uwa chong won da tip kam u Free Sunar. Kini ki ar ngut da mynsoo ki wei da kit ya ki cha Dr. Norman Tunnel Hospital da ka kari 108.
Ha iwi tawan i jia ka wi ka Alto 800 da tyrrah ko ya kawi ka local taxi wa dang pynyieñ ha rood sarok ha Ladthadlaboh.
Kani ka taxi toh kawa dang pynhiar bru tangwa da mynsoo u wa yah u Yochan Shadap wei da kit ya oo cha Dr. Norman Tunnel Hospital, Jowai.
Ini da jia i ha ka miet yong ka 7 tarik heipor 8 waje i miet.
Discussion about this post