15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym du ka yalehke Football ha ka FUTSAL tangwa palat bar ya ka yalehke

0 Comments
Advertisement ad1

Jowai : Ka yakop yaleh bol wa tip kam ka FUTSAL kawa mar 5 ngut chilliang kawa daw pynman da ka Anti-Narcotics Cell ka Jowai Police Station, West Jaiñtia Hills District  ha ka 10 wa 11 tarik uni u bnai daw pynman leh ya kiwa boon ki yakop ym du ka FUTSAL.

Ha ka yakop FUTSAL da em 32 tylli ki dhab wa wan chimbynta wei daw pynman 4 tylli ki yalehke ha i jooh i por heiwa ya ka madan Kiang Nangbah Stadium da bhah ya ka ha ki 4 bynta. Ha ka 10 tarik u pyndep ya ka 1st Round wa ka 2nd Round katwa ha ka 11 tarik won u pyndep ya ka Quarter Final, Semi Final wa ka Final.

Ya ka dhab wa jop ya ka Final daw yoh ki T. 10,000 katwa kiwa rem u yoh ki T. 5,000. Daw saam leh ya ka khusnaam Most Promising Player heiwa daw yoh u wow lai skur ha North Liberty, dei mynkna.

Ki paidbah wa wan paitke ye ki u leh u chimbynta deiwa rwai, u chaad, u rwai rap wa kiwi kam wow pynyoo yei sap yong ki wei ya kiwa chimbynta daw pynduna ya i baam yong ki na ki dukan wa em ha kani ka sngi kamjooh leh daw e certificate ya ki.

Daw em leh ka yakop thoh Slogan Competition kiwa yatoh wa ki kaam dih drugs wei ya kiwa jop daw e ya ki da ka bol FUTSAL.

Daw em leh ka yakop Basketball Free-throw heiwa kiwa jop daw yoh ki da ka bol Basketball na ka ADIDAS.

Daw pynman leh ya ka yakop chondur da ki Mobile Phone ha ki ar sngi heiwa ya ki dur ye u chon ya iwa em wa pynman ha kini ki ar sngi.

Daw em leh i chet baam Barbeque heiwa daw dai hei dor wa toh ya ki.

Daw em leh i pynyoo rong ya ki kari na ka Mahindra, Nissan, Maruti wa ka Hyundai.

Ha ka sngi wa khaddooh daw em leh kiwa rwai wa pawnaam ki wow pynwyrngia ya ki paidbah.

Ha ka sngi nyngkong daw sdang ya kani ka lympung nadooh 8:30 i step katwa ha ka sngi wa bood won nadooh 10 waje i step.

Kam wow pynkynmoo kani ka FUTSAL toh kam chi bynta wa pyrchang ka Anti-Narcotics Cell wow taan ya ki khynroo khyllood cha ki kaam wa bha (Positive Addiction Campaign) yoh lait ki u toh ha ka dih drugs.

Share this:
Previous

Thmu u manpa u slaitbor pyn ya ka khon kawa 5 snem

Next

Ki jia ya tyrrah kari ha West Jaiñtia