Ki jubab ya ki phang kylli yong phi hei yatoh wa pyndam ya ka poisa T. 500 wa T.1000

1.       I yi i daw wa sdang ya kani ka scheme?

Neidaw wa boon wa mih ki poisa thok khamtam ka kot T. 500 wa T. 1000 kiwa da khut noh ya ki kam ki Old High Denomination (OHD) heiwa da boon ki bru chah thok ki kamjooh da pynemkaam ya kini ki poisa ha ki kaam leh pyrchah ya ka ri wei ya ka poisa wa paka yong ka OHD won da murieh ya ki na ka sorkar wei da tip ya kani ka poisa kam ka Black Money da rai wow sdang da kani ka Scheme yow pynwiar jait noh ya kini ki OHD yow lait noh ki u emdor wei ym ye de u pynemkaam ya ki.

2.       Katwon u yoh O manda kylliang ya ka poisa warim?

Lada kylliang phi T. 500 u yoh hi phi i dor yong ka 500 kamjooh leh ya ka 1000 ha waroh ki Bank wa ki ophis ka RBI.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

3.       Ye hi u yoh ya waroh ka poisa heipor wa kylliang poisa?

Ye hi u yoh du T. 4000, lada kylliang poisa phi chiboon, ka poisa wa tam u lai ko cha Bank Account yong phi.

4.       Neiyi i daw wym ye O u yoh ya waroh ka poisa wa kylliang O?

Hapoh kani ka scheme wa katni ym pu chah u sai poisa pyllat ya T. 4000 yow ye sakhiat u pynwiar ya ki poisa thok kamjooh leh kiwa murieh ki bru.

5.       Ym dap poisa O du T. 4000, kammon u leh O?

Ye u su ya kiwa emkaam phi lyngba ki cheque, Internet Banking, Debit Card, Credit Card wa kiwi kiwi de wa tip kam ki Electronic Transfer.

6.       Kammon u leh O lada ym em bank account?

Ye phi u wai bank account ha kiwon kiwon ki bank deiwa pynbiang ya ki kot ki sla yong phi.

7.       Heiwon ki thaw wa ye O u kylliang poisa?

Ye phi u kylliang ha waroh ki ophis ka RBI wa ha ki tnat ki bank waroh kamjooh ha ki Head Post Office wa ki Sub-Post Office.

8.       Hap O u lai du ha ka tnat ka bank yong nga?

Yow kylliang hadooh T. 4000 ye phi u lai ha kiwon kiwon ki tnat deiwa rah lang wa ki ID. Yow kylliang won palat ya 4000, kawa tam daw lai ko cha ka bank account yong phi, haap phi u lai ha ka branch wa em account phi.

9.       Ye hi O u kylliang poisa ha ki bank wa ym em account O?

Ye hi, tangwa haap phi u pynyoo ya ki kot ki sla yong ka Bank Account wa em phi ha kiwi tawan ki bank.

10.   Ye hi O u pynemkaam da ki Bank Account yong kiwa emyatoh O namo ki lok O yow kylliang poisa kamjooh wow thap poisa yong nga ha ka account yong ki?

Ye hi u leh yeini deiwa yoh bor na ki tre account deiwa e ki dei thoh.

11.   Hoi hi u phah da kiwi ki bru hei thaw yong nga wow kylliang poisa?

Hoi hi tangwa emkaam u rah ki waka chithi wa phi e bor phi ya ki wow leh ya i kaam yong phi.

12.   Dang ye hi u sai poisa na ki ATM?

Daw chimpor ya ki bank waroh wow chna thymme ya ki ATM hei yatoh wow booh ya ki poisa thymme wei manda hoi u sai poisa leh ye phi u sai du T. 2000 chi sngi hadooh ka 18.11.16 wei daw pynku cha ka T. 4000 nadooh ka 19.11.16.

13.   Yei hi O u sai poisa lyngba ka cheque?

Ye hi u sai poisa lyngba ka cheque deiwa emlang wa ka withdrawal slip hadooh T. 10,000 chi sngi wei ha ka chi tayaw ye u sai T. 20,000 wei yeini u khein lang waka poisa wa sai lyngba ka ATM ha kini ki ar tayaw hadooh ka 24.11.16.

14.   Ka poisa warim wa yoh na ki ATM ye hi O ki u thap ha ka ki Cash Deposit Machine (CDM)?

Ye hi u leh yeini lyngba ki CDM/Cash Recyclers.

15.   Dang ye hi O u leh ya ki NEFT/RTGS /IMPS/ Internet Banking / Mobile banking wa kiwi kiwi?

Ya kini waroh dang pdiang hi ya ki kamwa man nadooh mynchwa.

16.   Hadooh katwon yoh por O u kylliang ya ka poisa?

Kani ka  scheme u kut ko hadooh ka 30.12.16 wei ye phi u kylliang ha waroh ki Commercial Bank, Regional Rural Bank, Urban Cooperative Bank, State Cooperative Banks wa ha ka RBI. Ya ki tu wym ye u leh ya ini ha i por, daw e laad ya ki ha ki ophis ka RBI wa daw pyntip hadien.

17.   Lada emkaam poisa jhaan O namo ha ki kaam yap kaam im kammon u leh O?

Ki poisa warim (OHD) wa em phi dang lai kaam hi ki ha ki hospital sorkar, wow thied ticket bus yong sorkar, ticket train wa ki ticket aeroplane hadooh 72 kynta wa da pyndooh jait noh ya ka T. 500 wa ka T. 1000 wa rim.

18.   Ki yi de ki kot ki sla (ID) wa emkaam O heipor wa kylliang poisa?

Heipor wa kylliang poisa ye phi u rah da ka Aadhaar Card, Driving License, Voter ID Card, Pass Port, NREGA Card, PAN Card, Identity Card wa e da ki tnat sorkar wa ki ID wa e ki company cha kiwa kreh ki.