Khliehriat: Katkam ka yutip wa da yoh na ki pulit da ong wa da yoh ki ya ka ujor ha ka 30 Naiynru na u Afzal Ali uwa yah ya ka truck AS-25CC-1500 wei heipor 3.:0 i janmiet kawi ka Maruti Alto-800 wa em u Number ML-11-1997 da pynsangeh ko ya ka truck u ha Mynkseh, Ladrymbai, East Jaiñtia Hills heiwa da mih le ngut ki damok kiwa da dung ya uwa yah da ka tari wei da lute ki na oo T. 12,000.
Ha ka 30 tarik hi u Priyanku Deka da ujor u wa heipor 8:00 waje i miet, oo chirup wa uwa yah kari u da lai ki na Agartala cha Guwahati heiwa le ngut ki damok da knieh ki ya ka poisa T. 8,000 wa ki mobile phone ha Lumshnong, East Jaiñtia Hills.
U Mahavir Prasad da ujor u wa ha ka 2 tarik uni u bnai heipor 1:30 i sngi, le ngut ki bru wym tipmit da psiah ki hapoh ka truck wa em Number PB-23M-8612 ha Lad Iongkaluh NH-6, East Jaiñtia Hills, heiwa da pynmynsoo ki ya uwa yah, u Gunek Singh da ka wait wei da lute ki T. 8,000 na oo.
Discussion about this post