Jowai: Katkam wa pyntip ki pulit da ong wa kawi ka Sister wa tip kam ka A. Mathew kawa sah ha 108 Upland Road, Laitumkhrah, Shillong da ujor ko wa ha ka 22-01-19 da chah thok ko wow e sñiawbha ya ka poisa neibynta ka niam.
Katkam ka ujor da ong wa heipor 10:00 waje i step hadooh 11:30 i step da yoh ko Phone ko na uwi u bru wa kam wa oo toh u Fr. Vincent uwa man kam u Phader ka Salesian Don Bosco Institute wei da paan yarap u naka wow yarap ya ka yungmane wa kiwi ki kaam yarap bru deiwa su T. 46,500 deiwa thap poisa lyngba ki Bank Account.
Hadien da chem ko wa da chah thok ko.
Ha ka 11 tarik uni u bnai u Michael Lyngdoh Mawlong na Mairang Mission (WKH) da ujor u wa nadooh ka 29-01-19 hadooh ka 05-02-19 da yaleh u wow yoh ya ka Amul Distributorship lyngba ka Internet wei da su u T. 2,32,500 lyngba ka Mobile Banking cha kawi ka SBI Account yong uwi u bru uwa kaam toh uwa naka Amul Company. Hadien chem u wa da chah thok u.
Ha ka 13 tarik uni u bnai u Blesstarwell Nongkhlaw da ujor u wa da em wa sai tooh ya ka poisa u T. 41,538.63p naka Account SBI u na Madanrting Branch, Shillong.
Discussion about this post