15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ki kaam chah tooh chah lute ha kylleiñ ka jylla

0 Comments
Advertisement ad1

Shillong: Katkam ka yutip wa da yoh na ki pulit da ong ki wa ha ka 23 tarik uni u bnai u Maljan A Sangma da ujor u wa da yoh phone u na ki bru wym tipmit kiwa da dawa na oo T. 50,000.

Ha ka 25 tarik ka Anjela Syrti na Moolait Bri Sutnga (EJH) da ujor ko wa heipor kamwa 5:30 i janmiet da em ki damok kamwa 7 ngut kiwa tymmoh khmat kiwa rah pistol wa ki tari da lute ki ka wa ya u kurim ko, heiwa da yoh ki ka poisa wa T. 80,000, ar tula i ksiar, ar tula i rupa wa ar tylli ki phone.

Ha ka 27 tarik nawon ka Angela Laldingngheti da ujor ko wa heipor chiteiñ sngi da khang ko yei yung ko wei da lai ko cha iwi i dukan wow thied tiar wei manda liwan ko da chem ko wa da chah khyndang ka dwar i yung yong ka ha uwi u bru u wym tipmit.

Da chem won ko hadien wa da chah tooh ko T. 70,000, wa i sah chkoor wa T. 20,000. Hei yatoh wa ini ki pulit da kem ki ya u Maitshphrang Sumer (18 snem) wa uwi u khynnah uwa dang 17 snem i rta.

Ha ka 28 tarik heipor kamwa 5:00 waje i janmiet ki pulit da kem ki ya u Haider Ali, heipor wa dang thmu u wow tooh na kawi ka kynthai ha Motphran, Shillong.

Pyn ha ka jooh ka sngi hei miet da em ki damok kiwa da tooh ya kawi ka thuk thuk wa em u No. ML-05-2872 ka yong u V. Wahlang na Upper New Nongstoin (WKH).

Ha ka 27 tarik won heipor 6:30 i miet ki pulit da kem ki ya u Sanjay Sharma (22 snem), heipor wa dang khrong poisa u na ki Truck ha 8 h Mile, Baridua (RB).

Share this:
Previous

Kyntait ka UDP 4-Mowkaiaw yeiwa kam u Jermon Sayoo

Next

Psiah Quarter Final sa ka Mulang Ialong ha ka 3rd Division