Jowai: Katkam wa pyntip ki pulit, haka 30 tarik u Naisaphra da yoh ujor na uwi wa tip kam u Brawell Lyngdoh wa heipor 2:30 i sngi da yoh kem ya uwi wa suba toh uwa dai drug wa tip kam u Jop Siangshai hadien wa yoo ya oo wa e kti u ya ar tylli ki yusong cha ki ar ngut ki bru wa tip kam u Admanstone Pyrbot wa u Centre Laloo, ha Pampra Kukoi.
Hadien ini ya u Admanstone Pyrbot wa u Center Laloo da ksoh ya ki wei na ki da chem ya i lakhit wa rong umsoh wa suba toh i drug katwa u Jop Siangshai da yoh u wow yut wei da kem won ki pulit ko naka chnong Sohkymphor.
Haka 29 tarik u Naisphra hadien wa yoh yutip ki pulit yei lai i wan kawi ka kari Maruti Wagon-R (ML-05N-0688) wa yah da uwi wa suba toh uwa khayi drug uwa naka chnong Nartiang uwa tip kam u Pynhoi Nongtdu, manda poi u haka thaaiñ Mookyndur, ki pulit da kem ki yaka kari u ha u sarok bah NH-44 wei da chem na oo I drug Heroin wa khia 0.41 gram, ka poisa T. 2,090 wa kawi ka Mobile Phone.
Haka chi tarik uni u bnai heipor wa pynman ki pulit yaka khynra kari ha Mawiong Rim, Shillong da pynsangeh ya kawi ka Scooty kawa khlem em number wa yah da u Basu Gurung (23 snem) wei da chong hadien u Sudeep Saru Thapa (23 snem). Na kini ki ar ngut ki pulit da chem ki ya iwa suba i drug Heroin wa khia 12.48 gram.
Haka 3 tarik won ki pulit da lai khynra ki yaka Na’kam Bazar, Tura (WGH), wei da kem ya u Sunny Karmakar wei na oo da chem ya ki drug kuli (Psychotropic Substances) napoh ka Scooty u.
Discussion about this post