Jowai: Ki pulit ka Jiribam District, Manipur deiwa ya krehlang waka Anti-Drug Cell kamjooh ki pulit ka Jiribam Police Station da yoh kem ki ya ki dawai kuli wa tip kam ki Tramadol Hydrochloride Capsules (Rimdol-50) wa em ya 90,990 tylli na 9099 tylli ki Strip dawai haka 6 tarik uni u bnai heipor 7:30 i miet.
Ini i drug wa yoh kem khia i kamwa 4.549 kg wei da yoh kem ya ki na kawi ka turck Ashok Leyland wa em ya u number AS-01JC-2823.
Katkam wa pyntip u SP ka Jiribam, u M. Mubi Singh da ong u wa ya ini i drug da yoh kem hadien wa kynreh kari ha kiwa boon ki thaw kamwa ar sngi.
Da pyntip leh wa da kem ya uwi u bru wa tip kam u Nongsaibam Raees uwa khut siñ kam u Yaima (19 snem), uwa na Yairipok Toupokpi Sabal Leikai, Imphal East wa kit u ya ini i dawai (Psychotropic Drug) khlem yoh bor.
Hawa takit ya u Raees da phla u wa ya ini i drug da kit na Byrnihat, Meghalaya wei da thmu wow kit ya ki cha Myanmar lyngba ka chnong Moreh yow dai ya ki heidor T. 225 chi kuli.
I dor yaw kini ki drug da antaad wa da poi ki hadooh T. 2,04,72,750 Klur.
Ki pulit da pyntip ki leh kani man ko ka sien wa nyngkong wa yoh kem ya kam ini i jait drug wei da e buskit leh T. 50,000 cha ki pulit wa kreh chitom wow kem ya ini i drug.
Discussion about this post