Jowai: Katkam wa pyntip ki pulit, haka 9 tarik uni u bnai, ki soo ngut ki bru na Sawlad, Madanrting, Shillong kiwa tip pyrtuid kam u Suleman Uddin (33 snem), u Baharuddin (32 snem), u Dollar Hussain (31 snem) wa u Kamal Hussain (29 snem), heipor wa dang lai ki cha kawi ka dukan dai tyre wa em ha Mawblei Madanrting, Shillong, ynru ngut ki bru wa ym tipmit ki da pynsangeh ki ki wei da paan ki yaka NRC Certificate yong ki, dep te tooh ki ar tylli ki Mobile Phone wow choh wow dat ki ki.
Haka 13 tarik, u Okil Ray da ujor u wa heipor 5:30 i janmiet heipor wa dang ah phlang u ha Golf Links, Shillong, ynru ngut ki bru wa tip kam u Ranjan Ray, u Raju Ray, u Enardev Mahato, u Uma Shankar Ray wa kiwi ki arngut da dat da bom ki oo wei da taan ki oo cha khloo deiwa thmu wow pynyap oo tangwa da lait im u.
Haka 9 tarik, u Apollos Majaw uwa na Umlyngka Pdengshnong, Upper Shillong da ujor u wa heipor 8:30 i miet, da em ki bru wa ym tipmit u da dat ki oo hadooh wa yapler u wei da lute ki na o T. 4 lak ha Umlyngka, Upper Shillong.
Haka 18 tarik heipor 6:30 i step, u Gredinath K Sangma na chnong Matchakolgre Damas wa haap hapoh ka Dainadubi OP, North Garo Hills da dat pyn ya u khon u u Kalben K Marak (17 snem) wa tooh u ya kawi ka Bicycle hadooh wa khlaad u.
Haka 15 tarik, u Letara L Mawnai na chnong Mawnai, West Khasi Hills da ujor u wa heipor 6 waje i miet u Etelan Marthong, Sordar ka chnong Mawshut da rah u da ka suloi deilang wa u Davidstar Mawlong uwa rah da ka wait da psiah ki chapoh i yung uwa ujor wei da pyrchang ki wow pynyap ya oo wei hadien wa ka diah u da pyrchang ko wow yaklam wa kini ki arngut da mut ki wow dat yaka leh tangwa da yoh laad ki chi payu wow yut na ki arngut.
Discussion about this post