Jowai: Ha i miet yong ka 23 tarik heipor kamwa 7:30, ki pulit da kem ki ya u Peter Lamare na Punjabi Lane, Iewmawlong, Shillong wei da yoh ki ya soo tylli ki kot wa song ya u drug heroin, ka poisa T. 3,520 wa ar tylli ki mobile phone.
Ha i janmiet yong ka 9 tarik heipor kamwa 5:00 waje, u Raja Bhattarai na ka Travelers Inn Guest House, Shillong da ujor u wa uwi na ki bru wa sah ha ini i thaw wa tip kam u Jitender Kumar Jha (76 snem) na Nagarpara, Bihar da ood kjut rupai u wei da pynkit ya oo cha Super Care Hospital, Shillong heiwa u MO da pyntip u wa da khlaad uni u bru.
Ha ka 23 tarik uni u bnai heipor 5:20 i step, da chem ya iwi i metyap yong uwi u bru u wym tipmit (50/55 snem) na i footpath wa em ha Polo Bazar, Shillong.
Ha ka jooh ka sngi, u Shalamborlang Nohwir, Asst. Teacher yong ka Dongthangriang LP School (SWKH) da ujor u ha u 2016, da chah pyndam kreh u ha ka School Managing Committee kawa da pynbaad wa pynchitom u ya ki khynnah. U Nohwir da pynbaad u wa da em wa soi tooh yei pyrtuid yong oo ha ka bui yong ka School Meeting kawa da pynman ha ka 9 Naitung, 2013.
Discussion about this post