Ki kaam pyrchah aiñ ha kylleiñ ka jylla

Jowai : Katkam ka yutip na ki pulit da ong wa ha ka 10 tarik uni u bnai ka Gandhi Sangma na ka chnong Nongkriah (EKH) da ujor ko wa heipor 11:30 i miet u Kobison A Sangma da pakhot moo u ha i yung ko wei da maham u ka kamjooh.

Ha ka jooh ka sngi u Principal ka Meghalaya State Fisheries Research & Training Institute, Mawpun, Umiam (RB) da ujor u wa u Zetwal Marak, uwa dang chah esikai ha kani ka thaw da wiar u na kani ka thaw.

Ha ka 11 tarik uni u bnai u Muktadir Rahman na Mahendraganj Forest Check Post (SWGH) da ujor u wa heipor kamwa 4:15 i janmiet, ki bru ki wym tipmit wa chong hapoh ka Mahindra Pick-up kawa khlem Number Plate, da dat ki oo wei hadien ini da yut ki cha Assam.

Ha i step ka 13 tarik kawi ka Maruti Swift (ML-05Q-0964) da tyrrah ko ya iwi i chram ha Shangbangla (RB). Ha ini i jia uwa yah yong kani ka kari da mynsoo u wei da pynkit noh ya oo cha CH Nongpoh.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ha ka 13 tarik ka Shirley Lim na Lower Lachumiere, Shillong da ujor ko wa heipor kamwa 6:27 i step, da yoh phone ko na u Joy Rabha uwa phah wai ya ka dwar i kamra ya kawa da khang napoh. Hadien wa wai ko ya kani ka dwar uwi u John Marak da dung u ka da ka tari wei da kujai u ya ka kamjooh leh ya ka khon yong ka. U John da dat u leh ya u Pradip Koch da u pipe um.

Ha ka 14 tarik uni u bnai u Raymond Khongsit da ujor u pyrchah ya u Alfred Bradley wa da thok u oo T. 25,800/- deiwa kular wow e kylliang ya oo (Raymond) ki tiar wa miat wa bha.