Ki kaam pyrchah aiñ ha kylleiñ ka jylla

Jowai: Katkam wa pyntip ki pulit ha ka 16 tarik uni u bnai da em ki damok wa tooh ya ka wi ka thuk thuk wa em ya u number ML-05M-2794 yong u P. Kharakor  uwa sah ha Lower Lumparing Mission Complex, Shillong.

Ha ka 15 tarik won heipor kamwa 8:15 i miet ka wi ka thuk thuk wa dang thymme kawa ym pu em number wa yah da u Lalzoma Ngite da ya tyrrah ko wa ka wi ka kari kamai (Local Taxi ) wa em ya u number ML-04A-9995 ha laad New Hill wow lai cha Jaintia School, WJH.

Heini i ya tyrrah kari uwa chong hadien uwa tip kam u Thianglai da mynsoo joor u wei da kit ya oo cha Dr. Norman Tunnel Hospital, Jowai heiwa da khlaad u ha ka sngi wa bood ka 16 tarik.

Ha ka 14 tarik won ka Idrim Bhoi lodged da ujor ko wa heipor kamwa 12.30 pyrdi synyaaw, ki bru wa ym tipmit da siat ki ya u payu ko u Monbun Bhoi ha chnong Tympharkhla, WJH.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha ka 17 tarik ki pulit heipor 11 waje i step da chem ki ya i metyap u Nipenson M Sangma (63 snem) naka wah Pelgawari Ganol, WGH. Uni u bru toh uwa da wiar nadooh ka 15 tarik uni u bnai.

Ha ka kylla Tarik ka 16 cha ka 17 da em ki damok wa mut wow rah tooh ya ka State Bank of India ATM na Ladthadlaboh, Jowai.

Ha ka 14 tarik da yoh ya ka ujor na ka wi ka kynthai wa kreh ha MLA Hostel, Assembly Staff Quarter, Shillong wa heipor kamwa 10 waje i step wa uwi u bru wa tip kam u Sangma H Balrak da thad u ka deiwa pynbaad thok chaphang yong ka deiwa booh dur ha ki Social Media.

Heipor 10:40 i step ka jooh ka sngi da em biang wa booh i dur yong ka da ka Account wa tip kam ‘Anga A’chik Mande’ kiwa da pynpoor ya ki khubor thok chaphang yong ka heiwa boon ki bru da klam beiñ ki ya ka wa kynthup ya u Kim Aksal, Rahul Marak, Rikseng Sangma wa u Seugwancha Agitok.

Ha ka 6 tarik won ka Udaya Hajong na Kharmalki, Shillong da ujor ko wa uwi u bru wa tip kam u Prabhakar Koch da klam beiñ u ya ka ha Facebook wei da phah u leh ya ki Message wa ki Voice Message lyngba ka Facebook wei ki pulit da kem ki ya oo.

Ha ka 2 tari u Sanjoy Garg, Manager ka M/s R.K Trade & Logistics, Lumshnong (EJH) da ujor u wa ha kani ka sngi kawi ka Truck wa em ya u number NL-01L-5340 wa yah da u Tapan Das wa kit ya 420 tylli ki churia khyndaw billat na M/s Star Cements, Lumshnong (EJH) cha Moinaguri, West Bengal tangwa hadooh katni kani ka Truck ym em poi thaw ko.