Ki kaam pyrchah aiñ ha kylleiñ ka jylla

Jowai: Katkam ka yutip na ki pulit da ong wa u Alpheus K Lyngdoh, Manager/In-charge, Security, MTC Office, Jail Road, Shillong da ujor u wa ha ka 25 tarik da chem yei metyap uwi u bru wym tipmit (40 snem) napoh kawi ka bus MTC (ML-03-161) wei da pynkit ya i metyap cha CH Shillong wow leh yeiwa emkaam.

Ha ka 24 tarik heipor 8:20 i step, kiwa chong chnong ka Soksan (NGH) da ksoh ki ya le tylli ki truck wa kit mooyong tooh (AS-19C-5259, AS-19C-6179 & AS-19C-0575) wa yah da u Mahanta Sutradhar, Raj Kumar Chauhan wa u Komol Rai, kiwa khlem em ki kot ki sla wei da ekti ya ki cha ki pulit ka Mendipathar Police.

Ha ka 23 tarik heipor 12:30 i step synyaaw, kawi ka Mahindra pick-up (AS-18C-8994) wa yah da u Rosidul Alam da tyrah ko ya a Pilling M Sangma (22 snem) ha NH-62 hajan Wa’geasi, Kharkutta PS (NGH). Ya i metyap da ekti cha kiwa hayung hasem wei da register leh ya ka case hajrong ini.

Ha ka 22 tarik heipor 2:30 i sngi, u Hav. Saatson K Sangma yong ka 6th MLP Battalion da ku u ha u chrot High Tension ha Krishnai PS, Assam wei da tba u ya u sainar bordiñ 11KV Power Line. Hadien ini da kit ya oo cha PHC Resubelpara (NGH) heiwa da pyntip wa da khlaad u. Hajrong ini da pyntip cha u O/C Krishnai PS, Assam neibhah kani ka thaw haap ko hapoh ka Krishnai PS.

Ha ka 21 tarik heipor 11:30 waje i sngi, kawi ka kari wym tip number da tyrrah ko ya kawi ka thuk thuk (A/F) wa yah da u Manik Miah (38 snem) ha Thakuranbari (SWGH) wei ya u Manik uwa chong wa oo u Muktahar Ali da kit ya ki cha CH Ampati heiwa u Muktahar Ali da khlaad noh u.

Related posts

10 snem phah kset ka yung bichaar ya u Brightstarmi uwa slaitbor ya ka khynnah wa dang 14 snem

October 13, 2025

Neiwa muaid heipor yah thuk-thuk yoh kem ki pulit ya ki ar ngut | Chem ar tylli ki suloi wa chna hi

October 12, 2025

Ha ka 21 tarik u Mohiram Hajong da ujor u wa heipor 11:45 i sngi, da chem yei metyap u Somendra Hajong (45 snem) wa pasi ha i kpær kwai ha Marahalipara (SWGH).

Ha ka 20 tarik u Newton Marak na Miskona, Damalgre PS (SWGH) da ujor u wa heipor 11:30 i sngi da iñ i yung u wei heini i por ym em bru hapoh kani ka yung.

Ha ka 9 tarik heipor 9 waje i step, kawi ka Mahindra Pick-up (ML-08C-5141) wa yah da u Dipwang A Sangma da kylla ko ha Kimdegonggre (SGH). Ha ini i jia kawi ka khynnah wa tip kam ka Niktaion Kusi R Marak (14 snem) da khlaad ko pyn heini i thaw.

Hajrong kini waroh neiliang ki pulit dang pynman ya i takit.