Ki kaam pyrchah aiñ ha kylleiñ ka jylla

Jowai: Katkam wa pyntip ki pulit ha ka 20 tarik uni u bnai u Blanding Ryntathiang da ujor u wa ka chnong Lad Pnar, WKH wa kiwa ha yung yong oo da chah kyntiat ki hapoh ka chnong da u Sordar wa Secretary ka chnong Lad Pnar nadooh u Kamichonglad (Dec), 2018.

Ha ka jooh ka sngi ka Serilla T Sangma da ujor ko wa  uwi u bru wa tip kam u Nasiruddin da chem ya oo heipor wa mut u wow tooh ya ki masi yong ka naka chnong Rongsaigre, SWGH.

Ha ka jooh biang ka sngi u Insp. K Khaute of CRPF, Dayapur, Silchar, Assam da ujor u wa ha kani ka sngi heipor 9:30 i miet heipor wa ki chipai ka CRPF dang wan ki na Silchar cha Guwahati da ka kari chipai wa em ya u number AS-01BC-4535, ka wi ka truck kit LPG wa em ya u number AS-01AC-9957 da tyrrah ko ya ka kari yong ki ha Kuliang, EJH. Ha ini i jia uwa yah ya ka truck wa kit LPG u Nur Ahmed Borbhuiya da mynsoo u wei da kit ya oo cha Umkiang PHC.

Ha ka 18 tarik won ki pulit da kem ki ya kawi ka truck wa kit mooyong kawa chah ieh wa em ya u number AS-01C-3033 na chnong Dagal Chiram, EGH.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha ka 16 tarik ka Chiramy R Sangma da ujor ko wa ka Faljaritha G Momin da tooh ko ya ka muna yong ka kawa ksoh u Derrick N Sangma kawa em hapoh ya ka PAN Card, ID Card, Aadhaar Card wa kiwi kiwi. Hadien wa phone ko ya ka Faljaritha G Momin da maham kylla ko ya ka.

Ha ka 18 tarik won u Vikash Banka da ujor u wa u Vicky Kumar, uwa krah ka M/s Pure Communication, Banka’s Lukier Road, Shillong, da tooh u ya ka poisa wa T. 25 lak kawa da pyllang na kiwa dai dukan ka Meghalaya.

Uwa chah pynbaad da tooh u leh ya ki kot ki sla wow pynsakhiat wa man u uwa kreh kani ka Company heipor wa sdang kreh u ha kani ka Company.