Ki kaam pyrchah aiñ ha kylleiñ ka jylla

Jowai: Kawi ka bru wa tip kam ka Lini Timung da ujor ko wa ha ka 4 tarik uni u bnai heipor kamwa 2:30 i sngi uwi u bru wa tip kam u Sbait Bareh da wan u deiwa rah wait hapoh i dukan dai cha ko wa em ha Lad Sutnga wei da phah khang u ya i dukan ko kamjooh da maham u ka.

Ha ka jooh ka sngi u heipor kamwa 9 waje i step u Lukinson D Sangma (35 snem) naka chnong  Killing Noksigittim wa em hapoh ka Khanapara PS, Ri-Bhoi District da tynyap u pyn ya ka bei u ka Onjoli Sangma deiwa ksih ya ka na radang.

Ha ka 4 tarik biang da em kiwa tooh ya ka poisa wa T. 20,000 wa kiwi ki tiar na i yung ka Parvati Mishra wa em ha Dinesh Compund, Nongsohphoh, Shillong heipor chi waje i sngi.

Ha ka 3 tarik u Batskhemlang Kharsyntiew da ujor u wa heipor 10:30 i step da em ki bru wa psiah tooh cha yung u wei da tooh ki ya kawi ka Laptop.

U Rahl Limbu da ujor u wa ha ka 22-05-17 da dai u ka ya kari kamai u ka Hyundai Creta heidor T. 10 Lak wa em ya i number ML-05M-9650 cha u Khuraijam Rai Metie uwa sah ha Upland Road, Laitumkhrah, Shillong deiwa ya sñiawthooh wa ya ka kari toh u kamai du ha Meghalaya, Assam wa ha West Bengal.

Related posts

Napoh khloo yoh kem ki pulit ya uwa da chah pynngat ha kiwa boon ki kyndon aiñ

January 29, 2026

Chah kem kiwa dat wei tooh ya ki Mobile Phone ki bru

January 28, 2026

Uwa thied da dep su nyngkong u T. 2,30,000 wei toh won u su u T. 20,500 man ka bnai cha ka Bank hadooh wa lait ka ram u wei ya ka kari toh u neh ko ha Shillong hi.

Tangwa hadien ini uwa dai ya ka kari da chem won u ya kani ka kari ha Manipur heiwa ki kot ki sla leh da kylla wei da u chabi wa e tam ka Company da yah u ya kani ka kari cha ki pulit ka Manipur.