Jowai: Ha ka 26 tarik uni u bnai heipor 1:45 i sngi ka Sengbera G Momin (16 snem) da ku ko ha kawi ka bus wa em u Number ML-07A-2238 na Rongjeng wei manda poi ko ha Dobu Rongmu (EGH), da haap ko na kani ka bus heipor wa dang lai ko, wei da khlaad noh ko.
Ha kani hi ka jooh ka sngi heipor 12:45 i sngi ka wi ka kari Tempo wa em u Number ML-08E-7029 da kylla ko ha ki thaiñ Malchapara (SWGH) heiwa uwi na kiwa chong da mynsoo u wei da pynkit ya oo cha CH Ampati wei kani ka kari nawon da yut ko na ini i thaw.
Ha i step yong kani ka jooh ka sngi da chem ya i metyap yong u Akter Miah (30-35 snem) na kawi ka wah wa em ha Kalaicharpara (SWGH) wei ki pulit da rah ki ya i metyap cha CH Tura neibynta wow leh ya ka Postmortem.
Ha ka 25 tarik uni u bnai u Ankit Botha na Tata Sky Office, Police Bazar, Shillong da ujor u wa heipor 1:15 i sngi da em ki damok kiwa da tooh ya ki tiar DJ na kani ka thaw.
Ha ka 24 tarik nawon uni u bnai u D. Pyrbot, uwa man kam u Waheh Chnong ka Chutwakhu, Jowai da ujor u wa ha ka uwi u bru wa tip kam u Sun Bareh da tooh u na i yung ka June Nongpluh wa ka H. Passah na Chutwakhu, Jowai (WJH) wei ki pulit da kem ki leh ya uni uwa chah ujor.
U Durles Momin da ujor u ha ka 23 tarik uni u bnai wa da chem ya kawi ka khynnah wa dang san snem i rta wa wiar ko na Ajasiram (NGH).
Discussion about this post