Ki kaam pyrchah aiñ ha kylleiñ ka jylla

Jowai: Ki pulit da pyntip ki wa ha ka 20 tarik uni u bnai u Deibormi Lyngdoh naka chnong Sahsniang da ujor u wa heipor kamwa 9:30 i step u pa u da chem u yei metyap u Mohibur Rahman wa em ha i yung wai wa sah u wa em ha ka chnong Ladsutnga Dkhiah East, EJH wei da suba wa chah tynyap u.

Ha ka 19 tarik won u Fr. Dominic Kympad, Headmaster ka Good Shepherd Secondary School, Ladrymbai, EJH da ujor u wa em ki damok wa psiah tooh cha ka kamra krehkaam u kawa em ha Ladrymbai wei da tooh ki ya ka Laptop wa ki kot ki sla ka skur.

Ha ka 18 tarik won ka E. Shadap da ujor ko wa da em ki damok heipor 5:45 i janmiet da psiah ki cha yung wa sah ko wei da rah ki waka tari wei da tooh ki ya ka poisa wa T.  20,000 waka Mobile Phone na i yung wa sah ko ha Salini Colony, Jowai.

Ha ka 17 tarik won u Tukan Das na Daspara Mahendraganj, SWGH da ujor u wa da em kiwa tooh ya le jur ki sah-chkoor ksiar, le tylli ki sah-kti ksiar wa uwi u kpieñ ksiar na yung u.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha ka 14 tarik won u E. Sayoo da ujor u wa heipor 5:30 i janmiet ki da em ki bru wym tipmit da siat ki ya u payu ka kurim u wa tip kam u Labi Shadap ha chnong Mynshong, EJH.

Ya uwa chah siat da kit cha Woodland Hospital, Shillong yow yoh sumaar.

Ha ka 10 tarik won u Jewan Ch Marak na ka chnong Dinaminggre wa em hapoh ka Chiading PS (EGH) da ujor u wa da em kiwa tooh ya suloi u kawa em License.