Ki kaam pyrchah aiñ ha kylleiñ ka jylla

Shillong: Katkam ka yutip wa yoh na ki pulit da pyntip wa kawi ka bru wa tip kam ka Sabita Sharma da ujor ko ha ki pulit wa kawa kreh ha yung ka ka Sabona Momin da tooh ksiar ko iwa chongdor T. 4 Lak na i yung ko wa em ha Lumpyngngad, Shillong.

Ha kani ka jooh ka sngi u Kartik Sena Sinha da ujor u pyrchah ya u Sasad Jain na New Delhi wa da thok u ya ki lok yong oo (uwa ujor) u Nanawar Narishad wa u Dilip Kumar da T. 10 Lak deiwa tyrwa kreh Contract ya ki wa T. 10 lakh ha Tripura Castle, Cleve Colony, Shillong. Tangwa uni u bru hadooh katni ym em e kreh u ya ki wei da wiar u.

Ha ka 8 tarik won kawi ka Truck kawa ymtip number da tyrrah ko ya uwi u bru wa tip kam u Wandi Khyriem (20 snem) ha chong Amsarin, WJH hadooh wa khlaad u.

Ha ka jooh biang ka sngi u Skhemborlang Diengdoh da ujor u wa da em ki damok da tooh ki ya 24 tylli ki Battery wa kawi ka Diesel Generator Battery kawa chongdor T. 1 Lak na chnong Umphyrnai, EKH.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Ha kani hi ka jooh ka sngi u Shankar Chettri da ujor u wa da em wa tooh na yung yong oo wa em ha Madanrting, Block-C, Shillong wei da tooh ki ya i ksiar, ka wi ka Laptop kawa chongdor T. 1,10,000 wa kawi ka ATM Card.

Ha ka 6 tarik won heipor 6:40 i miet da em le ngut ki bru wa da tymmoh yei dur yong ki kiwa rah tiar siat da lute ki kamwa T.70,000 na kawi ka Petrol Pump wa tip kam ka M/s Kharnaior Service Station, Mawsynram, EKH wa ka wi ka Mobile Phone na ki wakreh kani ka Petrol Pump.

Ha ka jooh ka sngi da em won wa tooh 24 tylli ki Battery na ka Vodafone Mobile Tower wa em ha Jail Road, Shillong.