Jowai: Ha ka 14 tarik uni u bnai u S.S. Syiemlieh, Addl. DC, East Jaiñtia Hills da ujor pyrchah u wa em ki bru wym tipmit wa e ya ka Certificate (Data Sheet of Coal Inventory) hei pyrtuid u Evanda Dong hei yatoh wa i kaam khayi mooyong heiwa da soi pyrtuid thok ya kani ka kot.
Ha ka 13 tarik uni u bnai da em ki damok ki wym tipmit kiwa da psiah yabor cha ka yunkrehkaam ka BDO, C& RD Block, Thadlaskein (WJH) wei da tooh ki ya ka Computer Monitor wei da tympiah ki ya ka CPU kani ka Computer.
Ha ka 11 tarik won u Yeimon Sutnga da ujor u wa ha ka 11 tarik heipor kamwa 10:00 waje ki le ngut ki damok wa tip kam u (1) Pynwan Pala, (2) Eruditson Sutnga wa u (3) Seiborlang Shadap da psiah yabor ki cha i yung u Eman Sutnga, Secretary ka Sutnga Pohshnong wei da dawa ki ya ki kot ki sla wa yatoh wa ka dong Pohshnong. Manda kyntait u yeini u wow e ya ki kot, u Pynwan Pala dat u ya oo katwa u Eruditson Sutnga wa u Seiborlang Shadap da maham ki ya u Chawas Nongtdu uwa heh kani ka dong.
Da ong leh wa ha kani ka 11 tarik u Pynbait Sutnga na Sutnga da ujor u deiwa ong wa ha ka 11 tarik heipor 10:00 waje i step heipor wa em ki dkhot ka chnong ha i yung u Secretary ka dong Sutnga Pohshnong heipor wa mut ki u chong ha ka yalang Dorbar yong dong uwi u bru wa tip kam u Yeimon Sutnga uwa na ka jooh ka dong da wan u deiwa rah da u naar rod wa kiwi ki tiar pynmynsoo wei da maham u ya ki dkhot kani ka dong.
Discussion about this post