Ki kaam pyrchah aiñ hapoh Jaiñtia Hills

Jowai: Katkam ka yutip wa yoh na ki Police da pyntip wa ha ka step ka 26 tarik u Jowin Siangshai, u Arki Siangshai wa ka Marbha Dkhar heipor 2 waje i step katkam ka FIR yong ki da ong wa u Graham Lyngdoh da dat u ya ka Marbha Dkhar ha Lumchyrmit, East Jaiñtia Hills wei manda wan yarap u Jowin wa u Arki, u Graham wa ki lok u da choh da bom ki ki.

Ha i jooh i jia u Livingstone Phawa da ujor FIR u kylla u ya u Jowin wa u Arki da dat da bom ki oo ha Lumchyrmit.

Ha iwi tawan i jia ka wi ka manbei da ujor ko cha ki Pulit wa ha ka 26 tarik heipor 4 waje i janmiet le ngut ki chynrang wa tip pyrtuid kam u Phamly Rymbai, Brightstar Muksor wa u Ten Muksor da pyrchang ki u jrong kti ka ka khon yong ka kawa dang 13 snem heipor wa dang lai luti ki cha i yung ka wa ki lok ko ha Musiang Lamare Rim, East Jaiñtia Hills.

Related posts

Chah tooh sa kawi ka Scooty na pchem yung

February 6, 2026

Chah kem uwi wa 2.48 Kg u bhang ha Ward’s Lake

February 5, 2026

Ha ka 26 tarik kawi ka Maruti Gypsy ka wym em Number wa yah da u Benison Lapasam wa 22 snem i rta da yooh ko ya uwi u bru hadooh wa yap, wei ympu tip u ya uni u bru wa khlaad hadooh wa pynmih ya kani ka khubor.

Kani ka Gypsy won da noh ko cha synrang wei da khlaad uwa yah ya ka u Benison.