Jowai: Katkam wa pyntip ki pulit, ha ka 01 tarik uni u bnai heipor 5 waje i step da em ki bru wa ym tipmit da thang ki ya kawi ka kari Maruti Car wa em ya u number ML-05J-1330 ka yong ka Patrisha Dkhar ha Lapalang, Mawbynna, Shillong.
Ha kani ka jooh ka sngi u Curtis N Marak da ujor u pyrchah ya u Donbok Hoojon uwa tip leh kam u Kitboklang Dkhar wa da chim wai u ya ka kari u ka Tata Indigo wa em ya u number ML-05L-1192 heidor T. 20,000 chi bnai tangwa hadooh katni leh ym pu em su u.
Ha ka 31-01-19 hei miet da kop diñ iwi i yung ka Taialin Umiong ha chnong Mawkhlam, WKH. Ha ini i jia i diñ da baam lut i ya ini i yung wei i dooh nong da poi i hadooh T. 7 lak.
Ha ka jooh ka sngi heipor 11 waje i step da chem ya i metyap ka Tresi M Marak na yung wa sah ko wa em ha chnong Dolagia iwa haap hapoh ka Mahendraganj PS, SWGH wei da em i dak chah thang hei doh i pran ko. Ya i metyap da phah cha Civil Hospital Ampati yow pyndep ya ka Post Mortem.
Ha ka jooh biang ka sngi da chem i metyap kawi ka bru kawa em kamwa 22-27 snem i rta heipor 6 waje i miet iwa da chah thang ha i thaw dai sapdok wa em ha Iewduh, Shillong. Hadien wa tympleh ya i diñ da chem wa i metyap toh iwa iñkhaw i rupai wa ki kti.
U Ohiyoo War, Executive Magistrate ka EJH da ujor u wa ha ka 29-01-19 heipor wa sylli ki ya kiwa tih mooyong pyrchah ya ka aiñ ha ki thaaiñ Musniang, Pynthorsale, Mukhaialong wa Chamcham, EJH da chem ki ya kawi ka truck wa em ya u number NL-01N-1650 wa yah da u Mukta Zaman, kawa kit mooyong pyrchah ya i hukum ka NGT.
Ha ka 24-01-19 u P. Ray da ujor wa da em wa sai tooh T. 25,000 naka Bank Account yong oo.
Discussion about this post