Jowai: Katkam wa pyntip ki pulit ha ka 16 tarik uni u bnai, u Parama Nanda Niure naka chnong Bajengdoba, Birubari (NGH) da ujor u wa u Rajesh Chettri da pynchna u ya i dur yong oo waka khon u Parama wa emlang ki wei da booh u ha Facebook yow daisarom ka ka khon u.
Haka 15 tarik iwi i yung u Salan Sari ha chnong Saitsama, WJH da chah baam i yung u ha i diñ iwa sdang na kamra chet ja.
Ha i miet ka 13 tarik da em wa tooh ya ka thuk thuk wa em ya u Number ML-08F-1445 ka yong u Tengty R Marak na Hawakhana, Tura (WGH).
Haka 14 tarik heipor 3 hadooh 4 waje i step da em kiwa tooh ya ka kari Bolero (ML-08F-3979) ka yong u Lakajus M Sangma na Lower Hawakhana, Tura (WGH).
Haka 13 tarik u Soumyadeep Chakraborty da ujor u wa heipor 11:30 i miet da em ki bru kiwa wan da ka kari kawa ym em Number kiwa da kdong oo nadooh St. Peter College hadooh Dylam Café wei da tooh ki ya kawi ka Laptop wa kawi ka Mobile Phone u.
Haka jooh ka sngi ka Sumitra Upadhaya da ujor ko wa heipor 02:45 i sngi u Winky Mawthoh da chem ya oo heipor wa pyrchang u wow tooh na i yung ko wa em ha Lower Mawbah, Shillong. Hadien ini da e kti ya u Winky cha ki pulit.
Haka 19-01-19 ka Dr. Jasmine SR Marak da ujor ko wa ha kani ka step da em wa tooh ya ka thuk thuk yong ka kawa em ya u Number ML-08-7322 na yung ko kawa em ha Lower Mission Compound, Chandmari, Tura (WGH).
Haka 8 tarik uni u bnai u Anners Steven Lyngkhoi da ujor u wa da em ki bru wa lute oo heipor 9:45 i janmiet wei da tooh na oo ka poisa wa T. 6,000, ka wi ka Mobile Phone wa kawi ka ATM Card hadien wa chah dat u ha Lower Lachumiere, Shillong.
Ha ka jooh ka sngi u Sen Kharbhih da ujor u wa ha kani ka miet heipor 9:30 da em kiwa tooh na yung u wa em ha Lumshyiap Nongmensong, Shillong.
Ha ka jooh biang ka sngi u Mahesh Sunar da ujor u wa heipor 10:25 i step da em kiwa lute ya ka dukan wa tip kam ka ‘The Challam Mobile Store’ wa em ha Motphran Point, Shillong wei da chah rah 4 tylli ki Mobile Phone.
Discussion about this post