Jowai: Ha ka 26 tarik uni u bnai uwi u bru wa tip kam u Kamrul Islam (19 snem) uwa na Bilasipara wa em hajan ka chnong Bongaigaon, Assam da cha siat u ha kti hadien wa wan ki 5 ngut ki damok heiwa uwi na ki san ngut toh uwa rah pistol.
Ini da jia i ha chnong Nangalbibra, South Garo Hills heipor wa u Kamrul dang wan thooh kreh u wei da pynbaad u wa kini ki bru da dawa poisa ki na oo.
Hadien ini da kit ya oo cha Bongaigaon yow yoh sumaar u.
Ha ka 25 tarik won u Chui Bareh uwa kreh ha yung krehkaam u Assistant Agriculture Engineer (Mechanical), West Jaiñtia Hills da ujor u ha ki pulit wa em wa tooh ya kawi ka kor rep wa tip kam ka “Paddy Reaper Machine” heipor kamwa 5 waje i janmiet.
Kani ka kor toh kawa chong dor T. 1,10,000 kawa booh ha karkhani kani ka yungkrehkaam wa em ha Ladthadlaboh, Jowai.
Ha ka 23 tarik won u Major Sahel Kumar ka Assam Regimental Centre, Happy Valley Shillong da ujor u wa da chah tooh ki Computer wa kynthup ya ar tylli ki monitor, kawi ka CPU, ar tylli ki UPS wa ka wi ka CCTV heiwa waroh chong dor T. 96,550 na Reflex Shooting, ARC, Happy Valley, Shillong.
Discussion about this post