Jowai : Kawi ka bru kawa soophaw san snem i rta da ujor ko wa ha ka 16 tarik uni u bnai heipor kamwa 2 waje i sngi, uwi u bru wa tip kam u Songing da jrongkti wei da slaitbor u ka ha ka chnong Bilselgre, NGH.
Ha ka 13 tarik uni u bnai uwi uwa yah Auto-rickshaw chirup wa ar ngut ki lok u da slaitbor ki ya ka bru wa 21 snem i rta ha chnong Nongtraw, Ri Bhoi District. Hei yatoh weini ki pulit da kem ki ya u Kyrshan Lyngdoh Marbaniang, u Meljohn Ramshon wa u Ropsing Nongpluh.
Ha ka 19 Khonchonglad, 2016 uwi u Longborn Thongni da slaitbor u ya kawi ka bru hajan ka chnong Pyndensohsham wa Umpung South West Khasi Hills, wei da maham u ya ka, ki pulit da kem ki ya oo
Da yoh ka ujor na kawi ka manbei da ong ko wa ha ka miet ka 8 tarik u Starius Iawphniaw da slaitbor u ya ka khon ko kawa 13 snem i rta ha yung wa sah ki wa em ha chnong Mawsynrang, West Khasi Hills. Wei ha ka 13 tarik i step da yah u ya kani ka khynnah cha i yung u ha Mawsaw, South West Khasi Hills heiwa da slaitbor biang u ka.
Neiliang ki pulit hei yatoh wa kini ki kaam da register case ki wei i takit dang lai i chaphrang.
Discussion about this post