Jowai: Katkam wa pyntip ki pulit ha ka 7 tarik uni u bnai, u Ayush Jha na New Hill, Jowai da ujor u wa hei step heipor 9 waje da em ki bru wa ym tipmit da tooh ki ya kawi ka Mobile Phone waka poisa wa T. 2,800 na i yung wa sah u.
Haka 4 tarik, u Lutbor Mollah wa sa ki le ngut da ujor ki wa heipor 11:45 i sngi, ar ngut ki bru wa tip kam u Md. Abdul Mullah, President, Water Sanitation Committee wa u Md. Mostafizur Prodhani, Secy., Water Sanitation Committee, ka chnong Gomaijora kawa em hapoh Phulbari PS, West Garo Hills da yoh kem ya ki heipor wa mut ki wow tooh ya ki mar sorkar deiwa pynkit ya ki mar da kawi ka kari Pick-up.
Haka 6 tarik, ka Shai Rani da ujor ko wa heipor 7 waje i miet da chem ko wa da em ki bru wa psiah yabor chapoh yung ko wa em ha Mawlai Nongkwar, Shillong wei da tooh ki ya ka poisa wa T. 41,500 wa kawi ka khadu da chongdor T. 51,000.
Haka 8 tarik won, u M. Kharnaior da ujor u wa heipor wa em u cha i thaw kreh u ha Ranikor, SWKH, da em ki bru wa psiah tooh chapoh i yung u wa em ha Mawiong Umjapung, Shillong wei da tooh ki ya ka TV wa chong dor T. 70,000 wa kawi ka CPU Computer wa chong dor T. 22,500.
Discussion about this post