April 13, 2019

Chem metyap na ki le tylli ki thaw

Jowai: Haka 7 tarik uni u bnai, u Nanjing Sangma, u Nokma ka Nakdanpara wa u Armith M Marak, Nokma ka Ontapara, West Garo Hills da ujor wa da chem ya i metyap yong uwi u bru wa ym tipmit wa em boon ki kha mynsoo ha i doh i pran yong oo wei ya ki kti u da kdoh da u tylle Plastic wei ya i metyap da chem ha chnong Ontapara, West Garo Hills.

Ya i mwtyap hadien da chem wa toh yong u Rohidul Islam uwa ha kani ka jooh ka sngi heipor 6:30 i step, heiwa uwa khlaad wa sa uwi uwa tip kam u Nur Aziz na Jardanga Barmanpara, Mankachar da mih ki na chnong yong ki da kawi ka kari Bolero pick-up yow lai thied kwai na thaaiñ Dalu, WGH tangwa nadooh kani ka step kini ki ar ngut da wiar ki wei ki Phone ki leh man kiwa da tympleh.

Haka jooh biang ka sngi heipor 11 waje i step da chem ya u Harwinder Singh (46 snem) uwa thiah yap hapoh ka truck u kawa em Number PB-11AV-9798 kawa pynyeiñ ha NRL Petrol Pump, 10th Mile, Khanapara, Ri-Bhoi.

Ha i step ka 10 tarik da chem ya i metyap uwi u bru wa ym tipmit na ka yaw dai masi wa em ha Khanapara, Ri-Bhoi.

Ha ini waroh i jia ki pulit dang pynman ki ya ka takit.