Ki kaam tooh hapoh ka jylla

Katkam wa pyntip ki pulit, haka 2 tarik uni u bnai, u Sujit Bhowmik, da ujor u wa uwa yah truck yong oo u Prosenjit Porel, da pynyieñ u yaka truck u (WB-17N-2083) ha Star Cement Parking Lot, East Jaiñtia Hills tangwa da dai u ya ar jur ki tyre truck hei dor T. 1,20,000 wei da yut u na kani ka thaw deiwa ieh yaka truck.

Haka 12 tarik, u Chingsrang D Sangma da ujor u wa da em wa tooh ka ka thuk thuk u wa em ya u number AS-18-6594 na chnong Depa Andok, North Garo Hills.

Haka jooh ka sngi, u Akhtar Hussain Laskar da ujor u wa heipor 11 waje i step da chem u wa da em wa tooh ya 24 tylli ki Battery yong ka M/s Ascend Telecom Infrastructure na Jalaphet-Sutnga, EJH.

Haka 16 tarik, u Raxwel R Marak da ujor u wa heipor 11 waje i step hadooh 12 waje pyrdi sngi, da em wa psiah tooh ha yung u wa ha Dobetkolgre Terrace Gittim, East Garo Hills wei da tooh ki yaka poisa wa T. 80,000.

Haka 17 tarik da em wa tooh ya kawi ka kari Mahindra Bolero wa em ya u number ML-05P-6244 na Iongpiah Club, Jowai West Jaiñtia Hills.

Related posts

Hadooh Rs. 70 lak chah thok uwa na West Jaiñtia ha uwa kam toh u Pastor na USA

December 6, 2025

Yoh kem ki pulit yei drugs wa murieh hapoh pyrthap ka palong uwa dai drugs ha Shillong

December 4, 2025

Haka 18 tarik, ka Jharna Hajong da ujor wa da em wa tooh na yung ko wa em ha Lumshyiap Nongmensong, Shillong wei da chah tooh soo tylli ki khadu ksiar, ar jur ki chah chkor, uwi u kpieñ ksiar waka poisa T. 5,000.

Haka 19 tarik, u Suraj Sunar da ujor u wa heipor 7 waje i miet, da em wa tooh ka ka thuk thuk u wa em ya u number ML-05-H-1492 najan Majestic Hotel, Polo, Shillong.