October 20, 2019
0 Comments
Advertisement
Jowai: Katkam wa pyntip ki pulit, haka miet ka 13 tarik uni u bnai heipor pyrdi synyaw hadooh wa kylla tarik da em wa tooh ki i dukan u Sunil Jain wa em ha MTC Building, Police Bazar, Shillong wei da rah tooh ki T. 10,000 wa 90-100 Packets u Cigarette wa kiwi ki mar dai.
Haka 14 tarik uni u bnai, u Prehor Boro uwa na Guwahati, Assam da ujor u wa heipor 4:30 i step da ki damok wa em kamwa 6-7 ngut da wan ki da ki ar tylli ki Maruti Alto wa em ya u number ML-05S-6227 wa ML-05P-3334, da yang khap ki yaka truck u wa em ya u number AS-01LC-4973 hajan Seven Set School, Malki, Shillong wei da dawa poisa ki na uwa yah kari wei da thap ki oo wei da rah ki leh ya u chabi kari.
Haka jooh ka sngi, ka Eldalyne Kharsati da ujor ko wa heipor 11:00 waje i step da em kiwa psiah tooh chapoh yung ko wa em ha Mawlai Umshing, Umjapung, Shillong wei da tooh ki yei ksiar wa chong dor T. 72,000, ka poisa T.8,000 wa kiwi kiwi.
Haka jooh hi biang ka sngi heipor 07:00 waje i miet da em uwi u bru wa tooh yaka poisa wa T. 7,000 na u Nandu Chanda ha Jail Road, Shillong heiwa uwa tooh da yut u na ini i thaw.
Haka 16 tarik won ka Tisda Kharsohnoh da yoo ko ya u Kevin Marboh (18 snem) wa mih u na yung ko wa em ha Mawlynrei, Khliehshnong, Shillong. Hadien ini da chem ko wa da wiar T. 20,000 na yung ko.
Advertisement
