Ki kaam tooh hapoh ka jylla

Jowai: Katkam wa pyntip ki pulit, u Bittu Daimary da ujor u wa haka 19 tarik uni u bnai heipor kamwa 12:00 waje pyrdi sngi hadooh 2 waje i sngi da em kiwa psiah tooh cha i yung ka Reena Bodo Musahary ha Upper New Colony, Laitumkhrah, Shillong wei da tooh ki ar tylli ki Laptop waka poisa wa T. 7,000.

Haka 18 tarik da em wa lute ki i yung ka Salvina Lakiang wa em ha Pohkseh, Central-II, Shillong wei da rah tooh ki ya i ksiar wa chong dor T. 60,000, ka DSLR Camera wa chong dor T. 55,000, ki sula wa chong dor T. 40,000, ka poisa wa T. 10,000 wa kiwi kiwi.

U Wellharson Sangma da ujor u wa haka 17 tarik da em wa tooh ka ka thuk thuk u wa em ya u number ML-07A-7664, wa pynyieñ u ha Loyola College Compound, Williamnagar, East Garo Hills.

U Ranjit Mallik da ujor u wa haka 18 tarik uni u bnai wa da em wa tooh ya ki 4 tylli ki LED Flood Lights wa booh ha i chram kær pood ka Shillong Airport, Umroi, Ri-Bhoi.

Related posts

Chem drugs ki pulit napoh ka kari wa chah ieh ha Jowai Bypass

May 7, 2025

Yoh kem drugs ki pulit ka East Jaiñtia na kawi ka kynthai

May 5, 2025

Ka Moi Phawa da ujor u wa uwi u bru wa tip kam u Luckybirth Shabong da yoh kem ya oo heipor wa tooh u T. 5,52,252 na yung yong ka wa em ha Nongthymmai, Nongkhyriem, Shillong.

Ka Sr. Ileen of St. Joseph Hospital, Nongstoin, West Khasi Hills da ujor ko wa haka 17 tarik da em wa tooh ya uwi u Electric Motor wa chong dor T. 10,000 na St. Joseph Hospital, Tiehsaw, West Khasi Hills.

Haka 23 tarik, da em wa tooh ka ka Scooty wa em ya u number ML-05S-1449 ka yong u Jeffrey Z Laloo na JN Stadium, Polo, Shillong.