October 27, 2019

Yoh kem drug ki pulit ka Arunachal wa chong dor 1.2 lak na ki arngut

Advertisement ad1

Ki pulit ka East Siang Police, Pasighat, Arunachal Pradesh, ynne ka 27 tarik da yoh kem ki ya arngut kiwa dai drug wei na ki da yoh 100 gms i Brown Sugar.

Ka East Siang Police da pynjoor ki ya i boodien yei dai drug, wei ynne i step hadien wa yoh yutip ki wa em ki arngut kiwa dai drug, kamtæ da phah ya ki pulit wa yahkhmat da u OC Ruksin Inspr T Tali, ASI Biren Pegu, ASI T Ngupok, HC Motilal Tayeng wa u HC Subhash Prasad hapoh i pait u DSP Token Saring.

Ki pulit hadien wa yoo ki ya kini ki arngut da bood ki ki hadooh wa poi iwi i yung wa em de wa sah wa em ha Solung Mopin Ground, Ruksin heiwa da kem yaki. Kiwa da chah kem da tip kam u Bharat Dalbong na Ngorlung wa u Gelek Lobsang na Jonai, Assam.

Na ki da chem 9 tylli ki yusong wa suba toh i Brown Sugar wa khia kamwa 100 gms wei i dor i drug da antaad toh T. 1.2 lak.