Ki kaam tooh kaam lute hapoh ka jylla

Jowai: Katkam wa pyntip ki pulit, u Ribanteilang Dkhar da ujor u wa haka 27-11-19 da em wa tooh ka ka Laptop u, u Charger wa kiwi kiwi napoh ka Scooty u wa em ya u number ML-05Q-8730, kawa pynyieñ ha Mawkhar Main Road, Shillong.

U Bikash Das da ujor u wa haka 23-11-19 heipor kamwa 8 waje i miet da chim wai u ya kawi ka Auto-Rickshaw (ML-08-3026) na Tura Bazar yow lai cha Hawakhana dep tæ yow uiñ biang cha Tura Bazar. Tangwa manda liwan, uwa yah Auto-rickshaw heithaw wow sangeh u ha Tura Bazar, da kit u oo cha Na’kam Bazar da lute u oo T. 5,000 wei da ngiat u oo cha lait hadooh wa da mynsoo u.

U Jagath Vinod da ujor u wa haka 29-11-19 da em wa psiah tooh chapoh i yung u wa em ha Nongthymmai, Lawjynriew, Shillong wei da tooh ki le tylli ki Laptop, ar tylli ki Mobile Phone wa ki kot ki sla wa emkaam.

U Christopher Syiemlieh da ujor u wa haka step ka 30-11-19 da chem u wa 24 tylli ki Battery wa chong dor T. 1,50,000 da wiar ki naka Airtel Tower wa em ha Mawlong, Ri-Bhoi.

Related posts

25 snem phah kset ka yung bichaar ya u Boti Surong uwa slaitbor ya ka khynnah

June 8, 2025

Chah kem u Pastor wa dat pyn ya ki khon neidaw wa kyndeh-ke ki wa u khynnah Hindu

June 8, 2025

Haka jooh ka sngi, u Bankitbor Syngkli da ujor u wa ha i miet da em wa tooh 21 tylli ki Battery naka BSNL Tower wa em ha Umdihar, Ri-Bhoi.

U George L. Wankhar da ujor u wa haka 4 tarik uni u bnai heipor 5 waje i step, da em wa tooh ka ka thuk thuk u wa me ya u number ML-05P-9502 na Lower Nongrimmaw, Laitumkhrah, Shillong.

Haka jooh biang ka sngi, u S.R. Vanlalnghaka da ujor u wa heipor 7 waje i miet da em wa psiah tooh cha i yung u wa em ha Jingkieng, Springside, Shillong wei da tooh ki ya kawi ka Laptop wa Mobile Phone.

U Abul Kalam Azad da ujor u wa haka miet ka 2 tarik uni u bnai da em wa psiah tooh chapoh i yung u heipor pyrdi synyaw wa em ha Nayagaon Gomaijora, West Garo Hills wei da tooh ki yei ksiar wa kawi ka Mobile Phone, kiwa chongdor waroh T. 1,26,800.

Haka 5 tarik, u Austine B Marak da ujor u wa em wa tooh ka ka thuk thuk u wa em ya u number ML-08C-4742 na yung wa sah u wa em ha chnong Mukdanggra, South West Garo Hills.

Haka 2 tarik uni u bnai, ka Klear Dkhar da ujor ko wa heipor 11 waje i miet hadooh pyrdi synyaw, arngut ki bru wa tip kam u Lait Shyrmang wa u Shiang Dkhar, da tooh ki 15 tylli ki masi na trep masi ko wa em ha Tyrki, Jalaphet, Bri-Sutnga, East Jaintia Hills. Hadien wa thooh da chem 10 tylli.