Jowai: Katkam wa pyntip ki pulit, haka 19 tarik uni u bnai u Bittu Pandit, Manager, Boro Residency, Bholaganj Bazar (EKH) da ujor u wa u Raju Koch uwa kreh kam u Cook ka Boro Residency da tooh u T. 1,37,000 wa kiwi ki kot ki sla ki wakreh ha kani ka thaw wei da yut noh u.
Haka 18 tarik u Nilberstone S Sangma uwa na Te’teng A’ja, Tura (WGH) da ujor u wa da em ki le ngut ki bru heipor 3:30 i janmiet da pyrchang ki wow tooh ya ka kari Hyundai Creta kawa em ya u number ML-08E-5477. Tangwa hadien wa ym ye ki u tooh da thang noh ki ya kani kari.Ki pulit da yoh ki u kem ya uwi u bru wa tip kam u Thangseng Marak na Salpara Mendipathar (NGH).
Haka 19 tarik ka Aparna Deb da ujor ko wa heipor 7:30 i miet ar ngut ki bru wa chong ha ka wi ka thuk thuk da wan ki wut wow tooh ya ka muna wa rah ko ha kti hajan ka yung krehkaam ka NEEPCO, Shillong.
Hkak 17 tarik da em wa tooh ya ka thuk thuk wa em ya u number ML-05M-8985 ka yong u Bishnu Sharma na Umkaliar, Nongmensong, Shillong.
Haka 21 tarik uni u bnai da em wa tooh ya ka Scooty wa dang thymme ka yong u Arisbornson Manbha Nongkhlaw na Nongrimbah, Laitumkhrah, Shillong.
Discussion about this post