Ki kaam tooh ki kaam lute ha kylleiñ ka jylla

Jowai: Katkam wa pyntip ki pulit, u Tyron Singh Syiem da ujor u wa haka 21 tarik uni u bnai heipor 2:30 i sngi da em wa psiah tooh hapoh kari u kawa pynyeiñ ha rood sarok ha Mawlai Nonglum, Shillong wei da tooh ki ya ka kor tem sur (Car Tape) wa ar tylli ki Mobile Phone.

Haka jooh ka sngi ka Rosemary Syiemlieh da ujor ko wa heipor 2:30 i sngi da em wa tooh ya ka Car Tape wa kawi ka Mobile Phone wa em hapoh kari ko kawa pynyeiñ ha rood sarok ha Mawlai Nonglum, Shillong.

Haka 20 tarik u Jordan Mynsong uwa na Maw-U-Sib, Shillong da ujor u wa heipor nadooh 6:30 i miet hadooh 8:00 waje i miet da em wa tooh ya ka Scooty yong oo wa em number ML-05P-4962 wa em ha yung yong oo.

Haka jooh ka sngi, u Khrawkupar Thabah na Pynthorbah Block-I, Shillong da ujor u wa heipor step synyaw heipor 3 waje da em wa tooh ka ka thuk thuk u kawa em number AS-01B-3099 kawa booh ha pchem yung u.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Haka jooh hi ka sngi, u Pulak Das uwa na Bongara, Kamrup, Assam da ujor u wa heipor 4 waje i janmiet uwi u bru wa ym tipmit u da tooh u ya ka snieh poisa yong oo wa em ya ka Service ID Card, SBI ATM Card, PAN Card waka poisa wa T. 10,000 ha Police Bazar, Shillong. Heiyatoh wa ini ki pulit da kem ki ya uwi u bru wa tip kam u Suraj.

Haka jooh hi biang ka sngi, u Rijay Sohmat uwa na Phlangwanbroi, Mawsynram (EKH) da ujor u wa heipor 11:30 i miet heipor wa dang lai u na Iewduh cha Laitumkhrah, Shillong da em ki bru wa ym tipmit u kiwa da dat da choh oo wei da lute ki oo heiwa da yoh ki T. 28,000 na oo, ka wi ka Mobile Phone wa kiwi de ki tiar.

Haka jooh biang ka sngi u Hitesh Barman, Manager, M/s Poddar Pvt. Ltd., Khliehriat (EJH) da ujor u wa hei miet da em kiwa psiah tooh cha ka kamra krehkaam u wei da tooh ki ya ki maar wa chongdor T. 4,74,458.

Ka Dr. Shailinia Syiem da ujor ko wa haka 21 tarik heipor heipor 01:00 wajei i sngi hadooh 04:00 waje i janmiet da em kiwa psiah tooh cha yung ko wa em ha Mawlai Mawroh, Shillong wei da tooh ki ya i ksiar ko.

Haka 16 tarik u S.K. Thakur ka NEIGRIHMS, Project Site L&T Construction, Mawdiangdiang da ujor u wa de em kiwa tooh ya ki kor wa chong dor T. 41,280.

Haka 24 tarik da em kiwa tooh ya ka Car Tape napoh ka kari ka Doreen Lyngdoh kawa em number ML-05H-5050 kawa na Mawlai Motsyiar, Shillong.