15 49.0138 8.38624 1 0 4000 1 https://wyrta.com 300 0

Ki kaam tooh, ki kaam thok wa ki ya tyrrah kari hapoh ka jylla ha kani ka tayaw wa da dep

0 Comments
Advertisement ad1

Jowai: Katkam wa pyntip ki pulit, ha ka 5 tarik uni u bnai ka Ferlin C.A. Sangma na Selsella (WGH) da ujor ko wa uwi u bru wa tip kam u Lawrence Marak da thoh u ha ka Facebook wa ka Ferlin emkti ko wow ksoh ya i su nongsngi kiwa ksoh Job Card Holders ha C&RD Block Office, Selsella (WGH).

Ha ka jooh ka sngi, ka Eunice Wanshwa Lynrah da ujor ko pyrchah ya u Neeraj Sachdeva ka Al Finserve Company, Gurgaon Express Trade Tower, Block-57, 5th Her Honda Chowk, Gurugram da thok u ka da T. 6,18,605 deiwa kular wow e ram ya iwa da paan ko.

Advertisement ad1

Ha kani ka jooh biang ka sngi hei step kawi ka thuk thuk wa em ya u number ML-11-5441 da ya tyrrah ko wa kawi ka kari wa em ya u number ML-10A-7576 ha Shillong By-Pass, ha chnong Pyllun, RB kawa em hapoh ka Umiam PS heiwa uwa yah thuk thuk da mynsoo u.

Ha ka 4 tarik uni u bnai da jia sa iwi i tyrrah kari heipor 11:30 i step hapyrdi kawi ka thuk thuk wa em ya u number ML-08B-7157 wa yah da u Binash Ch Sangma da tyrrah ko ya kawi ka truck ki BSF kawa em ya u number AS-01-GC-1067 wa yah da u Binod Kumar Bhatt ha chnong Bongbanga, SWGH.

Ha ini wa jia u Binash Ch Sangma da khlaad u ha ini i thaw wa ya tyrrah kari katwa ki ar ngut kiwa chong hadien da mynsoo ki wei ya kiwa mynsoo da kit cha CHC Mahendraganj yow yoh sumaar ki.

Ha ka miet ka 4 tarik, u Sumon Gurung da chah tyrrah u ha ka kari kawa ym tip number ha yingkeiñ Myntdu, (WJH) hadooh wa da mynsoo u wei da kit ya oo cha Ialong Civil Hospital Jowai.

Ha ka jooh hi ka sngi, ka Lawansuk Syiemlieh da ujor ko wa heipor wa 6:30 i miet da em wa tooh ya ki kor tem sur wa em hapoh kari ko heipor wa pynyeiñ kari ko ha Lumsohphoh, Lumparing, Shillong.

Ha kani ka jooh ka miet heipor 9:40 da em kiwa tooh ya ka thuk thuk wa em ya u number AS-01D-4352 na Byrnihat, RB.

Ha ka 3 tarik, u Fr. Stephen Daning Prabhu, Principal, St. Claret Secondary School, Agalgre Ampati, SWGH da ujor u wa heipor 6:30 i miet da em ki damok wa psiah cha kamra krehkaam ka Headmistress kani ka skur wei da tooh ki ya ka poisa wa T. 12,000.

Ha ka jooh ka sngi u Sunil R Marak da ujor u wa ha da em wa toooh ya ka thuk thuk u na Katuli Bazar, SWGH.

Advertisement ad1

0 Comments

Leave a Reply