Shillong : Katkam ka yutip wa da yoh da ong wa u K. Shyamji da ujor u wa ha ka 5 Khonchonglad 2016 da thied u ya ka kari Nissan Micra Active deiwa chim ram wei u su u (EMI) T. 10,500 chi bnai hadien ini u Pyndaplang Nongrum da chim u ya kani ka kari deiwa kular wow pynuiñ u ka hadien kattu katni tayaw wei hadien ini da tip u Shyamji wa da e u Pyndaplang Nongrum ka kani ka kari cha kiwi ki bru ha Nagaland.
Ha ka 23 tarik uni u bnai da chem ya u Stephen Kharwanlang uwa 23 snem wa thiah u khlem yongbru na Mawlai Nongpdeng, Shillong wei da kit ya oo cha Civil Hospital Shillong.
U Naga D Sangma na Blue Hills, Baghmara (SGH) da ujor pyrchah u ya u Sanday S Marak na Dosikgittim, Baghmara (SGH) uwa kam wa toh uwa dang samen wei da ya maya u wa ka khon ka yong u Naga kawa dang 15 snem i rta wei hadien wa tip ko toh uwa da em khon da kyntait ko oo u Sanday. Hadien ini u Sanday da maham da pyntieñ u ka kani ka khynnah wei da kam u wa em pistol u wei u pa u da em u ya ka suloi.
Hei yatoh wa iwa jia ha Chokpot Bazar, Raja Rongat and Deku (SGH), heiwa emkti u AB Constable uwa pynawri awra ha Raja Rongat wa Deku (SGH) da siat u chi kuli cha suiñ, hei yatoh wei ini ka Miltha Ch Marak wa ka Nekjak Ch Marak ujor ki wa ha ka 18 tarik wa u Tengkan A Sangma, AB Constable na Chokpot PS (SGH) da dat u ya ka Miltha Ch Marak wei da lute u T. 1,25,080 heiwa da siat u leh cha suiñ ha Deku Bazar (SGH) ha phrang ki paidbah.
Ha ka 22 tarik heipor 12.30 i sngi, kawi ka khynnah wa 13 snem na PWD Quarter, Nongstoin (WKH) da yah ya ka cha Ganesh Das Hospital, Shillong wow chah sumaar ko hadien wa chah slaitbor ko ha u khynnah wa 16 snem wei da chem wa da pun khon ko.
Discussion about this post