Ki kaam tyrrah kari ha kylleiñ ka jylla

Jowai: Ha ka 5 tarik uni u bnai heipor kamwa 5:30 i step, kawi ka thuk thuk (ML-05Q-2882) wa yah da u Sumit Gogoi (23 snem) da tyrrah ko ya uwi u bru ha Nongmynsong, Shillong. Ha ini i jia uwa chah tyrrah wa uwa chong hadien kani ka thuk thuk uwa tip kam u Antim Lama (34 snem) da mynsoo ki wei da pynkit ya ki cha Civil Hospital Shillong. Hadien ini u Antim da pynkit noh ya oo cha NEIGRIHMS, wei da khlaad noh u ha ka 8 tarik neidaw wa mynsoo joor ware u.

Ha ka 9 tarik uni u bnai heipor kamwa 11 waje i miet, kawi ka local taxi wa yah da u Pynskhem Kharbudnah (27 snem) da tyrrah ko ya kawi ka Oil Tanker (AS-01-AC-1769) wa yah da u Nabadeep Singh (42 snem) ha Khyllem Tiehsaw (WKH). Ha ini i jia u Pynskem da khlaad noh u pyn ha ini i thaw.

Ha ka sngi wa bood won heipor kamwa 6 waje i janmiet, kawi ka Local Taxi (ML-10A-8865) wa yah da u Daniel Kurbah da tyrrah ko ya kawi ka kari pick-up (ML-10A-7523) ha Pahamsyiem, Nongpoh (RB). Ha ini i jia ar ngut kiwa chong hapoh kani ka kari kamai da mynsoo ki wei da pynkit noh ya ki cha Bethany Hospital, Nongpoh.

Pyn ha ka jooh hi ka sngi heipor 7 waje i miet, kawi ka kari ka wym tipmit da tyrrah ko ya u Jenistar Kharmuti ha Umran Dairy, NH-6 (RB). Heini u Jenistar da mynsoo u wei da pynkit noh ya oo cha Civil Hospital Shillong.

Ha ka 11 tarik heipor kamwa 10 waje i step, kawi ka kari Hyundai Accent (ML-05R-1284) kawa yah da u Sanjay Thapa da tyrrah ko ya ka Seema Bin Roy (44 snem) hajan Police Point, Laitumkhrah, Shillong heiwa da mynsoo ko malum malæ.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Ha ka 13 tarik heipor kamwa 3:35 nohchariñ ka sngi, kawi ka mini truck (ML-05R-5108) wa yah da u Tobatskhem Warjri (21 snem) da tyrrah ko ya uwi u khynnah, u Steven Thabah (3 snem) ha Nongmensong, Shillong. Ha ini i jia u Steven da mynsoo u wei da pynkit ya oo cha NEIGRIHMS, heiwa u Medical Officer da pyntip u wa uni u khynnah da khlaad u.

Ha ka sngi wa bood won heipor 11 waje i miet kawi ka mini truck (ML-05B-7116) wa yah da u Dakermiki Lyngdoh (20 snem) da tyrrah ko ya ka dumper truck (ML-05P-4472) wa yah da u Pynshai Pyngrope, ha Laitkor (EKH) wei neidaw wa joor ini i tyrrah kani ka dumper truck da tyrrah won ko sa ya kawi ka Bolero Camper (ML-10A-3873). Ha ini i jia waroh kiwa yah da mynsoo ki wei da pynkit ya ki cha CH Shillong.